ہنوئی۔24مئی (اے پی پی):ویتنام کے دارالحکومت ہنوئی کےگنجان آباد ضلع کائو گیائے میں ایک اپارٹمنٹس کمپلیکس میں آگ لگنے سے 14 افراد ہلاک اور 3 زخمی ہو گئے۔ فرانسیسی خبر رساں ادارے کے مطابق ہنوئی پولیس نے بتایا کہ یہ واقعہ رات کو 12 بج کر 30 منٹ پر پیش آیا جس کی اطلاع ملتے ہی امدادی کارکن موقع پر پہنچ گئےجنہوں نے بیرونی گیٹ کا تالا اور ایک کھڑکی کو توڑ کر اندر پھنسے 7 افراد کوبچا لیاجبکہ حادثے کے باعث 14 افراد ہلاک ہو گئے۔
ہنوئی پولیس نے کہا کہ آگ کے باعث صحن میں موجود متعدد موٹر سائیکلیں، الیکٹرک سائیکلیں اور سائیکلیں تباہ ہو گئیں۔ آگ پر مکمل طور پر قابو پا لیا گیا اور زخمیوں کو ہسپتال منتقل کر دیا گیا ہے۔ مبینہ طور پر عمارت کا صحن الیکٹرک سائیکلوں کی فروخت اور اسے ٹھیک کرنے کے لیے استعمال کیا جاتا تھا۔ یہ واضح نہیں ہوسکا کہ آگ لگنے کے وقت اندر کتنے افراد موجود تھے۔