ہیٹ اسٹروک٬ شاہ رخ خان اسپتال میں اور ملائکہ اروڑا کے قیمتی مشورے

اس وقت صرف پاکستان ہی نہیں بلکہ بھارت بھی موسم کے بلند ہوتے غیر معمولی درجہ حرارت کا شکار ہے- یہاں تک کہ بھارتی اداکار شاہ رخ ہیٹ اسٹروک کا شکار ہو کر اسپتال جا پہنچے ہیں-

دوسری جانب سے بالی ووڈ کی معروف اداکارہ و ڈانسر ملائکہ اروڑا نے شاہ رخ خان کے بیمار ہونے کی خبر سن کر ہیٹ اسٹروک سے بچاؤ کے حوالے سے کئی قیمتی مشورے دے ڈالے ہیں-

ملائکہ اروڑا کا کہنا ہے کہ ہمیں اپنے ماحول کی حفاظت کرنی چاہیے اور یہی واحد حل ہے جب ہم خود اپنے ماحول سے پیار کریں گے تو وہ بھی ہم سے پیار کرے گا۔

ملائکہ اروڑا کا کہنا تھا کہ ہیٹ اسٹروک سے بچاؤ کے لیے ضروری ہے کہ ہائیڈریٹڈ رہنے کے لیے زیادہ سے زیادہ پانی پیئں، ٹھنڈے اور آرام دہ سوتی کپڑے پہنیں، دھوپ میں جاتے ہوئے سن اسکرین اور چھتری کا استعمال کریں۔

یاد رہے کہ شاہ رخ خان انڈین پریمیئر لیگ (آئی پی ایل) میں اپنی ٹیم کولکتہ نائٹ رائیڈر کے میچ کے سلسلے میں 21 اور 22 مئی کے لیے احمد آباد میں تھے۔ اور اسی دوران ان کی طبعیت خراب ہوگئی جس پر انہیں اسپتال داخل کروایا گیا-

بتایا جارہا ہے کہ شاہ رخ خان اس وقت ڈی ہائیڈریشن اور ہیٹ اسٹروک کا شکار ہوئے ہیں-

اس میچ کے دوران شاہ رخ خان کی طبیعت خراب ہوگئی تھی جس کے بعد انہیں ہیٹ اسٹروک اور ڈی ہائیڈریشن کے باعث اسپتال میں داخل کیا گیا۔