بیجنگ: چینی ماہرین نے بصارت سے محروم افراد کے لیے 6 ٹانگوں والا گائیڈ روبوٹ تیار کر لیا۔
غیر ملکی خبر رساں ایجنسی کے مطابق چین کی شنگھائی جیا ٹونگ یونیورسٹی کی تحقیقی ٹیم نے بصارت سے محروم افراد کے لیے 69 ٹانگوں والا گائیڈ روبوٹ تیار کیا ہے۔ جس سے ملک میں گائیڈ کتوں کی کمی کو پورا کرنے میں مدد ملے گی۔
یونیورسٹی کی آفیشل ویب سائٹ پر ایک پریس ریلیز میں اسکول آف مکینیکل انجینئرنگ کے پروفیسر گافینگ نے بتایا کہ ہمیں یقین ہے کہ ہمارا روبوٹ بصارت سے محروم لوگوں کے لیے “دو آنکھوں” کے طور پر کام کرے گا۔
یہ بھی پڑھیں: برطانیہ میں سورج کی تیز تپش، جلدی کینسر پھیلنے کا انکشاف
بصارت سے محروم افراد کی چائنہ ایسوسی ایشن کے مطابق ملک میں تقریبا ایک کروڑ 73 لاکھ 10 ہزار افراد بصارت سے محروم ہیں۔
افزائش کے زیادہ اخراجات اور طویل تربیتی کورسز کی وجہ سے ملک بھر میں گائیڈ کتوں کی تعداد صرف 400 سے زیادہ ہے۔ جس کا مطلب ہے کہ چین میں فی 40 ہزار بصارت سے محروم افراد کے لیے صرف ایک گائیڈ کتا دستیاب ہے۔