انڈیا کی ریاست اترا کھنڈ میں ہمالیہ کے پہاڑوں میں برفانی طوفان کے دوران ٹریکر پھنس گئے جن میں سے 9 ہلاک ہوگئے ہیں۔خبر رساں ادارے روئٹرز کے مطابق انڈیا کے جنوبی ریاست کرناٹک سے تعلق رکھنے والے ٹریکرز کا ایگ گروپ شمالی انڈیا میں اتراکھنڈ کے دشوار گزار پہاڑوں میں شدید برف باری کے باعث پھنس گیا۔
کرناٹک کے ریاستی وزیر کرشنا بائر گوڈوا کے مطابق گروپ کی ٹریکنگ کے دوران پہاڑوں پر برف باری شروع ہوئی جو بعد میں برفانی طوفان میں تبدیل ہوگیا۔
’شام چھ بجے تک دو ٹریکر خراب موسم کی وجہ سے مرگئے۔ برفباری اور تیز ہواؤں کی وجہ نقل و حرکت نامکمل ہوگئی اور حد نظر صفر ہوگیا۔ ٹریکرز ایک ساتھ چمٹ راستے میں ہی رات گزار دیں۔ رات میں سردی کی وجہ سے گروپ کے مزید ارکان ہلاک ہوگئے۔‘حکام کے مطابق ریسکیو ٹیم نے ہیلی کاپٹر کے ذریعے پانچ افراد کو زندہ نکالا جب کہ مرنے والوں کی باڈیز کو بھی ہیلی کاپٹر سے کرناٹک منتقل کیا گیا۔انڈین ایئر فورس نے جمعرات کو تصاویر شیئر کی ہیں جس میں دیکھا جاسکتا ہے کہ برف سے ڈھکے پہاڑوں کے درمیان ایک ہیلی کاپٹر کے قریب ریکسیو ٹیم مصروف ہے۔ریاستی وزیر کے مطابق منگل کی شام کو ٹریکر اور کوہ پیماؤں کے گروپ کے ایک گائیڈ نے صورتحال کے بارے میں ریسکیو حکام کو الرٹ کر دیا تھا۔گائیڈ کو جب تھوڑی دیر کے لیے موبائل سگنل مل گئے تو انہوں نے حکام کو پیغام بھیجا۔ان کے مطابق بدھ کو ریسکیو ٹیم موقع پر پہنچ گئی تھی جس نے پانچ افراد کو زندہ بچالیا۔