ساؤتھ افریقہ وویمنز نے پاکستان وویمنز کو 8 وکٹ سے شکست دے دی، تیسرا ٹی ٹوئنٹی میچ جیت کر ساؤتھ افریقہ وویمنز نے سیریز بھی اپنے نام کر لی۔
ساؤتھ افریقہ وویمنز نے تین میچز کی سیریز 2-1 سے جیت لی، پاکستان وویمنز ٹیم اپنے ہوم گراؤنڈ پر ٹی ٹوئنٹی سیریز کا دفاع کرنے میں ناکام رہی۔
ملتان میں کھیلے گئے سیریز کے تیسرے اور آخری ٹی ٹوئنٹی میچ میں پاکستان نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 153 رنز بنائے، سدرہ امین 37 منیبہ علی 33 اور کپتان فاطمہ ثنا 27 رنز کے ساتھ نمایاں رہیں۔
محسن نقوی سے آئی سی سی کے وفد کی ملاقات
افریقی ٹیم نے ہدف محض 18.3 اوورز میں 2 وکٹوں کے نقصان پر حاصل کرلیا، پروٹیز کی جانب سے کپتان وولوارٹ 45، اینیکے بوش 46 اور ڈرکسن 44 ناٹ آؤٹ کے ساتھ ٹیم کی جیت میں کردار ادا کیا۔
قبل ازیں سیریز کے پہلے میچ میں جنوبی افریقہ نے پاکستان کو پہلے میچ میں شکست دی تھی جبکہ دوسرے میچ میں پاکستان نے مہمان ٹیم کو ہرایا تھا۔