لبنانی گروپ حزب اللہ نے کہا ہے کہ انہوں نے بدھ کو تل ابیب میں اسرائیلی خفیہ ایجنسی موساد کے ہیڈکوارٹر کو کامیابی سے نشانہ بنایا ہے۔
ترجمان حزب اللہ کا کہنا ہے کہ حزب اللہ نے اسرائیلی دارالحکومت تل ابیب پر راکٹ داغ دیئے، حزب اللہ نے اسرائیلی دارالحکومت تل ابیب پر راکٹ داغ دیئے۔ قادر ون بیلسٹک میزائل سے تل ابیب پر حملہ کیا جو پیجرز اور واکی ٹاکی حملوں کا جواب تھا۔
واضح رہے کہ حزب اللہ کے رہنما حسن نصر اللہ نے پیجر دھماکوں پر اسرائیل کو ذمہ دار ٹھہراتے ہوئے اس عمل کو اعلان جنگ قرار دیا ہے۔ انھوں نے کہا کہ ’تمام ریڈ لائنز پار کی جا چکی ہیں۔
مزید پڑھیں: اسرائیل کی شدید بمباری سے حزب اللہ کے سینئر کمانڈر ابراہیم قبیسی شہید
دوسری جانب اسرائیل کی فوج نے لبنان میں دوبارہ حملے شروع کیے ہیں جن میں دارالحکومت بیروت کے جنوب میں واقع عمارتوں کو نشانہ بنایا ہے۔ یہ حملے اسرائیل کی اُس فضائی بمباری کے ایک دن بعد کیے گئے جس کے دوران ملک کے مختلف علاقوں میں 50 بچوں سمیت 550 سے زائد افراد مارے گئے تھے۔