سٹیٹ بینک آف پاکستان نے شرح سود میں 200 بیس پوائنٹس کی کمی کا اعلان کر دیا ہے جس کے بعد اب شرح سود 15 فیصد سے کم ہو کر 13 فیصد پر آ گئی ہے۔ سٹیٹ بینک کا کہنا ہے کہ اجناس کی عالمی قیمتوں میں کمی سے درآمدی بل اور مہنگائی میں کمی ہوئی ہے
- فرانس کے جزیرے میوٹ میں 140 میل فی گھنٹہ (225 کلومیٹر فی گھنٹہ) کی رفتار سے آنے والے طوفان کے بعد وہاں متعدد افراد کی ہلاکت کا خدشہ ہے۔ یہ 90 سالوں میں جزائر سے ٹکرانے والا بدترین طوفان ہے۔
- بلوچستان میں سکیورٹی خدشات کے پیش نظر سوموار سے شروع ہونے والی پولیو مہم شروع نہ ہو سکی۔محکمہ داخلہ اور قبائلی امور کے مراسلے میں کہا گیا ہے کہ 16 دسمبر کو سکیورٹی خدشات کے باعث پولیو ٹیموں کے لیے مطلوبہ سکیورٹی اہلکار فراہم کرنا ممکن نہیں۔
- راولپنڈی کی انسدادِ دہشتگردی عدالت نے جی ایچ کیو حملہ کیس میں سابق وفاقی وزیر شیریں مزاری سمیت مزید 9 ملزمان پر فردِ جرم عائد کردی۔
- ڈپٹی کمشنر ضلع کرم کا کہنا ہے کہ امن و امان کے قیام کے لیے ہونے والا جرگہ آج دوبارہ شروع کیا جائے گا۔
- ضلع کرم میں دو ماہ سے زیادہ عرصے سے آمد و رفت کے راستوں کی بندش کے باعث علاقے میں اشیائے خوردونوش، تیل، گیس اور ادویات ختم ہو رہی ہیں۔
سٹیٹ بینک نے شرح سود میں 2 فیصد کمی کردی
