محکمہ موسمیات نے ملک کے بیشتر علاقوں میں آج بھی موسم سرد جبکہ پہاڑی علاقوں میں شدید سرد رہنے کی پیشگوئی کی ہے۔
محکمہ موسمیات کے مطابق شام یا رات میں بالائی خیبرپختونخوا، کشمیر اور گلگت بلتستان میں کہیں کہیں ہلکی بارش اور برفباری کا امکان ہے جبکہ ملک کے بیشتر علاقوں میں آج بھی موسم سرد جبکہ پہاڑی علاقوں میں شدیدسرد رہے گا۔
محکمہ موسمیات کا بتانا ہے کہ گزشتہ 24 گھنٹوں کے دوران اسکردو میں کم سے کم درجہ حرارت منفی07 ڈگری سینٹی گریڈ ریکارڈ کیا گیا جبکہ گلگت میں منفی06، استور، ہنزہ اور کوئٹہ میں منفی 04 ڈگری سینٹی گریڈ ریکارڈ کیا گیا۔
محکمہ موسمیات کے مطابق گزشتہ روز اسلام آباد میں صفر، پشاور، مظفر آباد میں 2 ، لاہور، سرگودھا، موہن جودڑو، ڈیرہ اسماعیل خان 5، ملتان، بہاولپور اور سکھر میں 6 اور کراچی میں 11 ڈگری سینٹی گریڈ ریکارڈ کیا گیا۔