پاکستان میں 25 افراد کو فوجی عدالتوں کی جانب سے سزا سنائے جانے پر امریکہ اور برطانیہ کی جانب سے تشویش کا اظہار کرتے ہوئے کہا گیا ہے کہ فوجی عدالتوں میں عام شہریوں کے ٹرائل میں شفافیت کا فقدان ہوتا ہے۔ دوسری جانب سمندر پار پاکستانیوں کی وزارت کا کہنا ہے کہ متحدہ عرب امارات کی جانب سے پاکستانیوں کے ویزے کے اجرا پر مکمل پابندی نہیں۔
- پاکستان میں 25 افراد کو فوجی عدالتوں کی جانب سے سزا سنائے جانے پر امریکہ اور برطانیہ کی جانب سے تشویش کا اظہار۔
- اسرائیلی وزیرِ دفاع کا کہنا ہے کہ اسرائیل حوثیوں پر 'سخت حملہ' کرے گا اور اس کی قیادت کا 'سر قلم' کر دے گا۔
- اسد قیصر کا کہنا ہے کہ حکومت نے اپوزیشن مذاکراتی کمیٹی کا عمران خان سے ملاقات کا مطالبہ مان لیا ہے۔
- سابق صدر عارف علوی کا کہنا ہے کہ اگر لوگ نیک نیتی کے ساتھ بیٹھیں گے تو مذاکرات میں کامیابی کی امید ہے۔
- سابق وزیر اعظم عمران خان اور ان کی اہلیہ بشریٰ بی بی کے خلاف 190 ملین پاؤنڈز ریفرنس کا فیصلہ اب چھ جنوری کو سنایا جائے گا۔
- خیبر پختونخوا حکومت کا کہنا ہے کہ پاڑہ چنار روڈ کو محفوظ بنانے کے لیے سپیشل پولیس فورس بنانے کا فیصلہ کیا گیا ہے۔
- سپیکر قومی اسمبلی ایاز صادق کا کہنا ہے کہ حکومتی اور حزب اختلاف کی مذاکراتی کمیٹیوں کا دوسرا اجلاس دو جنوری کو ہوگا جس میں اپوزیشن اپنے چارٹر آف ڈیمانڈ پیش کرے گی۔
- یورپی یونین نے پاکستان میں فوجی عدالتوں کی جانب سے 25 شہریوں کو نو مئی کے پُرتشدد احتجاج پر سزائیں دیے جانے پر تشویش کا اظہار کیا ہے۔
یورپی یونین کے بعد امریکہ اور برطانیہ کا بھی پاکستان میں فوجی عدالتوں کی جانب سے عام شہریوں کو سزا سنائے جانے پر اظہارِ تشویش
