ایف آئی اے منی لانڈرنگ کے مقدمے میں لاہور کی اسپیشل سینٹرل عدالت نے چودھری مونس الٰہی کی دوبارہ گرفتاری کے لیے اقدامات کرنے کا حکم دیا ہے۔
جج نے گزشتہ سماعت کا تحریری حکم نامہ جاری کرتے ہوئے حکم دیا کہ سابق وفاقی وزیر چودھری مونس الٰہی اور محمد جبران کو بیرون ملک سے گرفتار کرنے کیلئے دوبارہ اقدامات کئے جائیں۔
پنجاب میں قیدیوں کو آڈیو ، ویڈیو کال کی سہولت دے دی گئی
عدالت نے اپنے حکم میں کہا کہ گرفتاری سے متعلق کئے گئے اقدامات بارے آئندہ سماعت پر رپورٹ عدالت میں پیش کی جائے۔
تحریری حکم نامے میں کہا گیا کہ جے آئی ٹی کے سربراہ عمرے پر ہونے کی وجہ سے عدالت پیش نہیں ہو سکے، چودھری پرویز الٰہی کی بریت کی درخواست پر نوٹس جاری کر کے فریقین سے دلائل طلب کرلئے گئے ہیں۔ بعدازاں خصوصی عدالت نے سماعت 20 جنوری تک ملتوی کر دی۔