جمعیت علماء اسلام (جے یو آئی۔ف) کے سربراہ مولانا فضل الرحمان نے کہا ہے کہ امریکہ اور سامراجی قوتیں مسلم دنیا کو آپس میں لڑانے کی سازشیں کررہے ہیں.
ایرانی سفیر سے ملاقات کے بعد ایرانی میڈیا سے گفتگو میں مولانا فضل الرحمان نے کہا کہ امریکا کبھی امت مسلمہ کا خیرخواہ نہیں رہا، اُسے ہمیشہ اپنے مفادات عزیز ہوتے ہیں۔
انہوں نے کہا کہ امریکا مسلسل صہیونی اسرائیلی ریاست کی پشت پناہی کر رہا ہے، غزہ میں قیامت ڈھادی گئی، انسانی حقوق کی یہ سنگین پامالیاں امریکا کو نظر نہیں آتیں۔
حکومت کو حج انتظامات سے نکل جانا چاہیے، سیکرٹری وزارت مذہبی امور
جے یو آئی سربراہ نے مزید کہا کہ امریکا اور سامراجی قوتیں مسلم دنیا کو آپس میں لڑانے کی سازشیں کر رہی ہیں۔
اُن کا کہنا تھا کہ اسلامی دنیا کی فرقہ وارانہ کشیدگی میں امریکا و دیگر کی مکروہ سیاست ملوث ہے، ایسی سیاست کو انسانیت تو نہیں کہا جاسکتا۔