حکومتی مذاکرات کمیٹی کے ترجمان سینیٹر عرفان صدیقی نے کہا ہے کہ پاکستان تحریک انصاف نے عملی طور پر آج مذاکرات ختم کر دیے ہیں تاہم حکومتی کمیٹی 31 جنوری تک موجود رہے گی، اس دوران پی ٹی آئی نے دوبارہ سپیکر سے رابطہ کیا تو ہماری کمیٹی ان کے ساتھ بیٹھ جائے گی۔
- پی ٹی آئی سے مذاکرات کے لیے حکومتی کمیٹی کا طے شدہ اجلاس پی ٹی آئی کے ممبران کمیٹی کی عدم موجودگی کی وجہ سے شروع نہیں ہو سکا تاہم حکومتی کمیٹی نے امید ظاہر کی ہے کہ مذاکراتی کمیٹی کو ابھی ختم نہیں کیا جا رہا۔
- پاکستان کی قومی اسمبلی کے بعد منگل کوسینیٹ نے بھی متنازع پیکا ایکٹ ترمیمی بل کی منظوری دے دی ہے تاہم ملک بھر میں اپوزیشن جماعتیں اور صحافتی تنظیمیں اس کے خلاف احتجاج کر رہی ہیں۔
- انسداد دہشت گردی کی خصوصی عدالت نے سابق وزیر اعظم عمران خان کی جی ایچ کیو حملہ کیس میں بریت کی درخواست خارج کر دی ہے۔
- ڈنمارک کا کہنا ہے کہ آرکٹک خطے کی سکیورٹی میں اضافے کے لیے وہ گرین لینڈ اور جزائر فیرو کے ساتھ شراکت میں دو ارب ڈالرز سے زیادہ خرچ کرے گا۔
- خبر رساں ادارے اے ایف پی نے غزہ میں موجود ایک سکیورٹی افسر کے حوالے سے خبر دی ہے کہ دو لاکھ سے زیادہ بے گھر افراد شمالی غزہ کی جانب دو گھنٹے پیدل چل کر لوٹ چکے ہیں۔
پی ٹی آئی نے آج عملی طور پر مذاکراتی عمل کا خاتمہ کر دیا ہے: عرفان صدیقی
