آسٹریلیا نے سری لنکا کو دوسرے ٹیسٹ میچ میں شکست دے کر 14 سال بعد سری لنکا میں ٹیسٹ سیریز میں فتح حاصل کر لی۔
گال میں کھیلے گئے اس ٹیسٹ میچ میں سری لنکن ٹیم پہلی اننگز میں 257 اور دوسری اننگز میں 231 رنز بنا کر آؤٹ ہوئی تھی، جواب میں آسٹریلوی ٹیم پہلی اننگز میں 414 رنز بنا کر آؤٹ ہوئی تھی۔
سری لنکا کا 75 رنز کا ہدف آسٹریلیا نے ایک وکٹ پر حاصل کیا، عثمان خواجہ 27 اور مارنس لبوشین 26 رنز بنا کر ناٹ آؤٹ رہے۔
سہ ملکی سیریز کا پہلا میچ، نیوزی لینڈ نے پاکستان کو شکست دے دی
آسٹریلیا نے کلین سویپ کرتے ہوئے سری لنکا کو اُس کے ہوم گراؤنڈ پر 2011 کے بعد پہلی بار سیریز میں شکست دی۔
آسٹریلیا کے اسپنرز نیتھن لیون اور میتھیو کوہنمین باؤلنگ اٹیک پر چھائے رہے اور اسپن باؤلنگ والی ٹرننگ پچ پر 4 ، 4 کھلاڑیوں کو آؤٹ کیا جبکہ بیاؤویبسٹر نے 2 وکٹیں حاصل کیں۔