رائٹ سائزنگ کے تحت وفاقی وزارتوں اور ماتحت اداروں سےختم کی گئی اسامیوں کی تفصیلات قومی اسمبلی میں پیش کردی گئیں۔
وزارت کابینہ ڈویژن کی جانب سے وفاقی وزارتوں اور ماتحت اداروں سے ختم کی گئی اسامیوں کی تفصیلات ایوان میں پیش کی گئیں۔
گریڈ 17 سے 22 کے سرکاری ملازمین اثاثے ظاہر کرنے کے پابند
جن میں بتایا گیا ہے کہ رائٹ سائزنگ کے تحت گریڈ ایک سے 22کی 11ہزار 877 اسامیاں ختم کردی گئی ہیں، دستاویز کے مطابق گریڈ 19 سے 22 کی 113 اسامیوں کو ختم کیا گیا ہے۔
وزارت کابینہ ڈویژن کے مطابق اسی طرح رائٹ سائزنگ کے تحت گریڈ ایک سے 18 کی 11 ہزار 764 اسامیاں ختم ہوئی ہیں۔
سب سے زیادہ گریڈ ایک سے 4 درجہ چہارم کی اسامیاں رائٹ سائزنگ پالیسی کی زد میں آئیں، پالیسی کے تحت 5 ہزار سے زائد اسامیاں ختم کی گئی ہیں۔