وزیراعلی سندھ مراد علی شاہ نے کہا ہے کہ کراچی میں ٹریفک حادثات تشویشناک ہیں۔
وزیراعلی مراد علی شاہ نے کہا کہ سیکریٹری نے اجلاس میں کئی اقدامات کا حکم دیا ہے، کل اجلاس بلایا ہے، اقدامات پرعملدرآمد کا جائزہ لیا جائےگا، جہاں جاتا ہوں فینسی نمبر پلیٹ اوربغیرفٹنس کے گاڑیاں نظر آتی ہیں۔
وفاقی حکومت نے وزارت انسداد منشیات کو ختم کر دیا
انہوں نے کہا کہ لوگوں نے قانون کے ساتھ تعاون کرنا چھوڑ دیا ہے، کسی کو بھی قانون ہاتھ میں لینے کی اجازت نہیں، کرکٹ کو تو بہت زیادہ اسپانسرز مل جاتے ہیں، کرکٹ کے حوالے سے محسن نقوی سے بات ہوئی ہے۔
نیاز اسٹیڈیم کی بحالی پر اتفاق کیا ہے، حیدرآباد میں ایک اچھا ہوٹل بھی بننا چاہیے، اس وقت پبلک ٹرانسپورٹ کیلیے پہلی کھیپ آگئی ہے، اس سال 500 ای وی بسوں کیلئے بجٹ میں پیسے رکھے ہیں، تین چار سال میں 8 ہزار بسیں شامل کریں گے۔
انہوں نے مزید کہا کہ پرائیویٹ سیکٹر کو بھی سبسڈی دیں گے، 2بڑے بس روٹس پر کام جاری ہے، سرکلر ریلوے کو سی پیک میں لانے کیلئے بات ہوئی ہے، سرکلر ریلوے پر چینی کمپنیوں کے ساتھ بھی بات ہوئی ہے۔