گورنر پنجاب سردار سلیم حیدرنے کہا ہے کہ ہم نے پنجاب کو فوکس کرنا ہےاور پیپلز پارٹی کو بحال کرنا ہے۔
گورنر پنجاب سردارسلیم حیدر نے کہا کہ آصف زرداری نے پوری پارٹی کو بلدیاتی انتخابات کی تیاری کرنے کی ہدایت کی، پیپلز پارٹی بلدیاتی الیکشن کیلئے بھرپور تیاری کرے گی اور اچھا رزلٹ دے گی۔
موجودہ پاکستان عمران دور سے کہیں زیادہ مستحکم اور محفوظ ہے،احسن اقبال
ہم اتحادی حکومت کا حصہ ہیں، سب کو پتہ ہے ہم ن لیگ کی محبت میں نہیں بیٹھے، ہماری مجبوری ہے، ہماری مجبوری ملک کے سیاسی سسٹم کو بہتر کرنا ہے تاکہ مشکل صورتحال سے نکلیں۔
انہوں نے کہا کہ ملک کیلئے صرف اتحادی حکومت کو سپورٹ کر رہے ہیں، اتحادی جماعت کو اپنے ساتھی کا سوچنا چاہیے، پنجاب میں مسلم لیگ ن کے ساتھ معاملات بہتر ہوجائیں گے۔
انہوں نے کہا کہ صدر مملکت نے کہا ہے بجٹ تک صبر کریں، تب تک معاملات بہتر ہو جائیں گے، خدانخواستہ نہ ہوئے تو اس وقت بیٹھ کر فیصلہ کریں گے کیا کرنا ہے۔
اب لگاتار صدر آصف زرداری اور بلاول بھٹولاہور آتے رہیں گے، پارلیمانی پارٹی سے ملاقات میں حلقوں اور اضلاع کے حوالے سے گلے شکوے صدر کو بتائے گئے۔