وزیراعلیٰ پنجاب مریم نواز نے دیہی خواتین کے لئے اسپیشل بسیں چلانے کا فیصلہ کیا ہے۔
ملکی تاریخ میں پہلی باردیہی خواتین کے لئے پنجاب حکومت کی جانب سے ہردیہی تحصیل سے ڈسٹرکٹ ہیڈکوارٹر تک بس سروس شروع کرنے پر اتفاق کیا گیا ہے۔
وزیراعلیٰ پنجاب نے انٹرویلج ٹرانسپورٹ پلان بھی طلب کرلیا،دوردراز اضلاع میں مرحلہ وار25بسوں پر مشتمل ماس ٹرانزٹ سسٹم شروع کرنے کی تجویز کا جائزہ لیا گیا۔
وزیراعلیٰ کی جانب سے دیہی خواتین کی ٹرانسپورٹیشن کیلئے جامع پلان طلب کیاگیا ہے،ماس ٹرانزٹ سسٹم میں خواتین مسافروں کیلئے سبسڈی دینے کی ہدایت بھی کی گئی ہے۔
وزیراعظم نے 20 ارب روپے کے رمضان پیکج کا اجرا کر دیا
وزیراعلیٰ کی ہدایت پر پنجاب کا پہلا ویمن ٹرانسپورٹ سیلوشن پلان تیار کیا جائے گا۔ وزیراعلیٰ پنجاب مریم نواز نے کہا کہ جدید ٹرانسپورٹ سسٹم دیہات میں رہنے والی خواتین کا بھی حق ہے،دیہی خواتین کے لئے رانسپورٹ کا نظام نہ ہونا انتہائی تکلیف دہ ہے۔
جدید ٹرانسپورٹ سسٹم کی فراہمی سے دیہی خواتین کا اعتماد بڑھے گا،اس سے طالبات اورمریض خواتین کوآمد ورفت میں آسانی ہوگی،انہوں نے کہا کہ دیہی خواتین کو پبلک ٹرانسپورٹ میں تکلیف دہ حالات میں سفرکرتے دیکھ کر انتہائی دکھ ہوتا ہے۔