گوجرانوالہ: پنجاب حکومت نے گوجرانوالہ میں اقلیتوں کے لیے پہلی بار “مینارٹی کارڈ” متعارف کرانے کا اعلان کر دیا۔
صوبائی وزیر اقلیتی امور سردار رمیش سنگھ اروڑہ نے مستحق اقلیتی خاندانوں میں کارڈز تقسیم کیے۔ ضلعی انتظامیہ کے افسران سمیت قومی و صوبائی کے ارکان نے بھی تقریب میں شرکت کی۔
گوجرانوالہ سے ٹوٹل 5 ہزار 454 درخواستیں موصول ہوئیں جس میں سے 5 ہزار 117 خاندان اہل قرار پائے گئے۔ ضلعی انتظامیہ کو حکومت پنجاب کی جانب سے 2 ہزار 400 مینارٹی کارڈز موصول ہو گئے ہیں۔ جبکہ دیگر موصول درخواستیں پر تصدیق کا عمل جاری ہے۔
یہ بھی پڑھیں: گورنر سندھ کا ڈمپر سے کچل کر ہلاک ہونے والوں کے لواحقین کو پلاٹ دینے کا اعلان
گوجرانوالہ کی تمام تحصیلوں میں اسسٹنٹ کمشنرز عوامی نمائندوں کے ہمراہ اقلیتی برادری میں مینارٹی کارڈز تقسیم کریں گے۔ اور پروگرام کے تحت مستحق اقلیتی خاندانوں کو سہ ماہی بنیادوں پر 10 ہزار 500 روپے فراہم کیے جائیں گے۔
وہ خاندان جن کا PMT اسکور 45 یا اس سے کم ہے وہ ہی اس کارڈ کے لیے اہل ہوں گے۔