"شادی کے بعد میری شخصیت میں کافی تبدیلی آئی ہے۔ پہلے میں جوائنٹ فیملی میں رہتی تھی، اس لیے میری آواز بھی بلند ہوتی تھی، لیکن سسرال میں سب بہت دھیمے لہجے میں بات کرتے ہیں، تو مجھے بھی خود کو بدلنا پڑا۔ میری والدہ بھی کہتی ہیں کہ میں شادی کے بعد کافی بدل گئی ہوں!"
منال خان کی شادی کے بعد حیران کن تبدیلی! ایمن خان نے بھی شکایت کردی
پاکستانی اداکارہ منال خان نے حال ہی میں انکشاف کیا کہ شادی کے بعد ان کی شخصیت میں نمایاں تبدیلی آ چکی ہے۔ وہ اپنی جڑواں بہن ایمن خان کے ہمراہ نجی ٹی وی کے مارننگ شو میں شریک ہوئیں اور اپنی ازدواجی زندگی کے بارے میں دلچسپ باتیں شیئر کیں۔
منال خان کا کہنا تھا کہ شادی سے پہلے وہ ایک جوائنٹ فیملی کا حصہ تھیں جہاں سب کا اندازِ گفتگو بلند تھا، لیکن سسرال میں سب لوگ آہستہ بولنے کے عادی ہیں، یہاں تک کہ بات چیت کے دوران بھی دھیمے لہجے کو ترجیح دی جاتی ہے۔
ایمن خان کی منال سے دلچسپ شکایت
منال نے بتایا کہ شادی کے بعد انہیں اپنے مزاج میں تبدیلی لانی پڑی کیونکہ ان کے سسرال کا ماحول انتہائی پُرسکون اور نرم مزاجی کا حامل ہے۔
اسی دوران ایمن خان نے مذاق میں شکایت کرتے ہوئے کہا،
"اب تو یہ مجھے بھی ٹوکتی رہتی ہے کہ آہستہ بات کروں، اور میں چڑ جاتی ہوں کہ بھئی اب میں اپنے گھر میں بھی اونچی آواز میں بات نہیں کر سکتی؟"