اہم نکات:صدر زرداری آج آٹھویں مرتبہ پارلیمنٹ کے مشترکہ اجلاس سے خطاب کریں گے کوہاٹ میں شدت پسندوں کی فائرنگ سے دو پولیس اہلکار ہلاکچین، ترکیہ اور سعودی عرب سمیت آٹھ ممالک سے 67 پاکستانی ڈی پورٹ
کمسن بچی کو ونی کرنے پر والد کی خودکشی، دو افراد گرفتار
پاکستان میں کے مختلف علاقوں میں بارش اور پہاڑوں پر برفباری کا امکان
بلوچستان میں نامعلوم مسلح افراد کے ہاتھوں سندھ کے تین حجام قتل
بلوچستان میں نامعلوم مسلح افراد نے تین حجاموں کو گولی مار کر ہلاک کر دیا جن کا تعلق سندھ سے تھا۔عرب نیوز کے مطابق اتوار کو پیش آنے والے اس واقعے کی نیم فوجی لیویز فورس کے ایک سپاہی نے تصدیق کی ہے۔لیویز سپاہی شکیل بلوچ نے بتایا کہ حملہ بلوچستان کے ضلع پنجگور سے تقریباً پانچ کلومیٹر کے فاصلے پر واقع علاقے گوارگو میں ہوا۔ انہوں نے مزید کہا کہ نامعلوم مسلح افراد نے حجام کو اس وقت گولی مار دی جب وہ اتوار کی شام ایک ہوٹل کے باہر بیٹھے تھے۔انہوں نے کہا کہ ’صوبہ سندھ کے اضلاع میرپورخاص اور جیکب آباد سے تعلق رکھنے والے تین حجام موقع پر ہی ہلاک ہو گئے۔‘فوری طور پر کسی گروپ نے حملے کی ذمہ داری قبول نہیں کی لیکن ماضی میں بی ایل اے نے پنجابی مزدوروں اور حجاموں کے خلاف حملے قبول کیے ہیں۔صدر زرداری آج آٹھویں مرتبہ پارلیمنٹ کے مشترکہ اجلاس سے خطاب کریں گے صدر آصف علی زرداری آج آٹھویں مرتبہ پارلیمنٹ کے مشترکہ اجلاس سے خطاب کریں گے۔ اس دوران اپوزیشن کی جانب سے شدید احتجاج کا بھی امکان ہے۔ صدر زرداری نے مشترکہ اجلاس پیر کی سہ پہر 3 بجے طلب کر رکھا ہے، جس میں قومی اسمبلی اور سینیٹ کے اراکین شریک ہوں گے۔ آئین کے آرٹیکل 56 کے تحت، صدر ہر پارلیمانی سال کے آغاز پر پارلیمنٹ کے دونوں ایوانوں سے خطاب کرتے ہیں، جو حکومت کی پالیسی کی سمت متعین کرنے کا ایک رسمی موقع ہوتا ہے۔صدر زرداری مشترکہ اجلاس سے سب سے زیادہ مرتبہ خطاب کرنے کا اعزاز حاصل کریں گے۔یہ خطاب ایک ایسے وقت میں ہو رہا ہے جب حکومتی اتحادی جماعتوں، پاکستان مسلم لیگ (ن) اور پاکستان پیپلز پارٹی کے درمیان اختلافات کھل کر سامنے آ رہے ہیں۔ اگرچہ پیپلز پارٹی کے پاس وفاقی کابینہ میں کوئی وزارت نہیں، مگر پارلیمنٹ میں اس کے ووٹ موجودہ حکومت کی بقا کے لیے انتہائی اہم ہیں۔کوہاٹ کے قریب شدت پسندوں کی فائرنگ سے دو پولیس اہلکار ہلاککوہاٹ کے علاقے تانڈہ ڈیم کے قریب دہشت گردوں کی فائرنگ کے نتیجے میں دو پولیس اہلکار ہلاک ہوگئے ہیں جو کاؤنٹر ٹیرارزم ڈیپارٹمنٹ (سی ٹی ڈی) میں ڈیوٹی دے رہے تھے۔پولیس کے مطابق لاشیں فوری طور پر ڈی ایچ کیو ہسپتال منتقل کردی گئی ہیں جہاں ضروری کارروائی کے بعد ان کی تدفین کی جائے گی۔انسپکٹر جنر ل آف پولیس خیبر پختونخوا ذوالفقار حمید نے پولیس افسران کی ٹارگٹ کلنگ کا نوٹس لیتے ہوئے حملے میں ملوث شر پسندوں کو فوری گرفتار کرکے قانون کے کٹہرے میں لانے کی ہدایت دی۔آئی جی نے کہا کہ ’شرپسندوں کی بزدلانہ کارروائیاں پولیس فورس کے حوصلے پست نہیں کرسکتیں۔ دہشت گردوں کے خلاف جنگ آخری دہشت گرد کے خاتمے تک جاری رکھی جائے گی۔‘چین، ترکیہ اور سعودی عرب سمیت آٹھ ممالک سے 67 پاکستانی ڈی پورٹچین، ترکیہ، سعودی عرب اور متحدہ عرب امارات سمیت آٹھ ممالک سے گذشتہ 24 گھنٹوں میں 67 پاکستانی ڈی پورٹ کیے گئے ہیں۔سعودی عرب میں بھیک مانگنے اور غیر قانونی قیام پر کارروائی کی گئی اور 36 پاکستانی بے دخل کیے گئے، جبکہ ایک کو بلیک لسٹ میں شامل کیا گیا۔یو اے ای میں مختلف جرائم میں ملوث 10 پاکستانی بے دخل کیے گئے۔ عراق میں غیر قانونی داخلے پر 12 پاکستانی ڈی پورٹ ہوئے۔قبرص، ترکیہ، چین، ملائیشیا میں امیگریشن قوانین کی خلاف ورزی پر پاکستانی ملک بدر کیے گئے اور14 پاکستانی حراست میں لے کر انسداد انسانی اسمگلنگ سرکل کے حوالے کیے گئے۔پاکستان میں کے مختلف علاقوں میں بارش اور پہاڑوں پر برفباری کا امکانمحکمہ موسمیات نے کہا ہے کہ آج پاکستان کے مختلف حصوں میں گرج چمک کے ساتھ بارش کا امکان ہے، جبکہ گلگت بلتستان استور میں برفباری جاری ہے جس سے نظام زندگی مفلوج ہو گیا ہے۔
محکمہ موسمیات نے آج اسلام آباد، راولپنڈی ڈویژن کے بعض مقامات، لاہور، گوجرانوالہ، سرگودھا، سیالکوٹ اور فیصل آباد میں گرج چمک کے ساتھ درمیانی اور بعض مقامات پر موسلا دھار بارش کی پیش گوئی کی ہے۔ 12 سے 16 مارچ کو بھی تک ان شہروں میں بارش کا امکان ہے۔
14 اور 15 مارچ کو کوئٹہ، زیارت، چمن، ڈیرہ غازی خان، راجن پور، اوکاڑہ، بھکر اور ملتان ڈویژن میں بارش کی پیش گوئی ہے۔
محکمہ موسمیات کے مطابق ملک کے شمالی علاقوں میں مغربی ہواؤں کا سلسلہ 9 مارچ کی شام سے داخل ہوا، 12 مارچ سے اس کی شدت میں اضافہ ہوگا جو 16 مارچ تک برقرار رہ سکتا ہے۔
کمسن بچی کو ونی کرنے پر والد کی خودکشی، دو افراد گرفتارخیبرپختونخوا میں کمسن بچی کو ونی کرنے پر والد نے خودکشی کر لی جس کا نوٹس لیتے ہوئے پولیس نے دو افراد کو گرفتار کیا ہے۔پولیس کے مطابق متاثرہ بچی بحفاظت ورثا کے حوالے کر دی گئی ہے اور واقعہ مین ملوث دیگر ملزمان جلد پولیس کی حراست میں ہوں گے۔سوشل میڈیا پر چلنے والے وائس نوٹ میں خودکشی کرنے والے عادل نامی شخص نے غلام فرید اور کفایت وغیرہ کا نام لیتے ہوئے کہا کہ زبردستی اس کی کمسن بچی سائرہ بی بی کا رشتہ (ونی) غلام فرید نے اپنے بیٹے سے کرایا گیا۔وائس نوٹ کے وائرل ہونے پر انسپکٹر جنرل آف پولیس خیبرپختونخوا ذوالفقار حمید نے فوری نوٹس لیا اور واقعہ میں ملوث ملزمان کو گرفتار کرنے کا حکم دیا۔ جس کے بعد پولیس نے مرکزی ملزم غلام فرید (لڑکے کے والد) اور کفایت کو فوری طور پر گرفتار کرلیا۔خیبرپختونخوا میں ایک لاکھ 30 ہزار گھرانوں کو سولر سسٹم دینے کا اعلانخیبرپختوخوا حکومت کے ترجمان بیرسٹر سیف نے کہا ہے کہ صوبے میں سولرائزیشن آف ہاؤسز منصوبے کا باقاعدہ اجرا کیا گیا ہے جس کے تحت ایک لاکھ 30 ہزار گھرانوں کو سولر سسٹم دیا جائے گا۔پیر کو ایک بیان میں انہوں نے کہا کہ ای بیلٹنگ کے ذریعے شفاف طریقے سے مستحق گھرانوں کا انتخاب مکمل کیا گیا ہے اور پہلے مرحلے میں 32,500 گھروں کو سولر سسٹم فراہم کیے جائیں گے۔ 30 ہزار ضم اضلاع کے گھرانے بھی منصوبے میں شامل ہیں۔ترجمان نے کہا کہ سولر یونٹ میں سولر پلیٹس، بیٹری، پنکھے اور لائٹس شامل ہیں۔