بیٹی کی صحت بہتر ہونے پر قومی کرکٹ ٹیم کے بیٹنگ کنسلٹنٹ محمد یوسف نے دورہ نیوزی لینڈ کیلئے دستیابی ظاہر کر دی ہے،محمد یوسف اب پاکستانی ٹیم کے ساتھ نیوزی لینڈ کے دورے پر جائیں گے۔
سابق کرکٹر بیٹی کی طبیعت خراب ہونے پر ٹیم کے ساتھ جانے پر شش و پنج میں تھے، محمد یوسف نے کہا ہے کہ ڈاکٹرز کا کہنا ہے کہ بیٹی کی طبیعت اب بہتر ہے لہذا میں ٹیم کے ساتھ جا رہا ہوں،قومی ٹیم کے ساتھ جانا قومی فریضہ ہے جسے ادا کرنے کا فیصلہ کیا ہے۔
سیمنٹ کی ریٹیل قیمت میں کمی کا رحجان برقرار
قبل ازیں یہ خبر سامنے آئی تھی کہ بیٹنگ کنسلٹنٹ محمد یوسف بیٹی کی علالت کے باعث دورہ نیوزی لینڈ سے دستبردارہوگئے ہیں۔
پاکستان کرکٹ ٹیم 12 مارچ کی صبح نیوزی لینڈ روانہ ہوگی،پاکستان اور نیوزی لینڈ کے درمیان 5 ٹی ٹوئنٹی میچز جبکہ 3 ایک روزہ میچز کی سیریز کھیلی جائیگی،ٹی ٹوئنٹی سیریز کا آغاز16 مارچ جبکہ ون ڈے سیریز کا آغاز29 مارچ سے ہوگا۔
پاکستانی ٹی ٹوئنٹی سکواڈ
سلمان علی آغا (کپتان)، شاداب خان (نائب کپتان)، عباس آفریدی، عبدالصمد، ابرار احمد، حارث رؤف، حسن نواز، عرفان خان نیازی، جہانداد خان، خوشدل شاہ، محمد علی، محمد حارث، عمیر بن یوسف، شاہین شاہ آفریدی، سفیان مقیم اورعثمان خان ٹی ٹوئنٹی اسکواڈ کا حصہ ہیں۔
پاکستانی ون ڈے سکواڈ
ون ڈے اسکواڈ میں محمد رضوان (کپتان)، سلمان علی آغا (نائب کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، امام الحق، عرفان خان نیازی، خوشدل شاہ، محمد علی، محمد وسیم جونیئر، نسیم شاہ، سفیان مقیم اور طیب طاہر شامل ہیں۔