"اگر آپ چاہتے ہیں کہ آپ کا بجلی کا بل کم سے کم آئے، تو ایک خاص وظیفہ ہے۔ آپ کو ہر پندرہ دن بعد، مہینے میں دو بار، اپنی شہادت کی انگلی سے بجلی کے میٹر پر ‘زم زم’ لکھنا ہے۔ ان شاء اللہ، میں گارنٹی دیتا ہوں کہ آپ کا بجلی کا بل ضرور کم ہوگا۔"
یہ الفاظ ہیں معروف عالمِ دین مولانا آزاد جمیل کے، جو ان دنوں ایک نجی نیوز چینل کی رمضان ٹرانسمیشن میں لوگوں کے مسائل کے روحانی حل بتانے کی وجہ سے شہ سرخیوں میں ہیں۔ ان کا نیا بیان، جس میں انہوں نے بجلی کے بل میں کمی کے لیے ایک خاص وظیفہ تجویز کیا، سوشل میڈیا پر تیزی سے وائرل ہوگیا ہے۔
گزشتہ روز سوشل میڈیا پر مولانا جمیل کی ایک مختصر ویڈیو گردش کرنے لگی، جس میں انہیں یہ مشورہ دیتے ہوئے سنا گیا کہ بجلی کے بل میں کمی کے لیے میٹر پر اپنی شہادت کی انگلی سے ‘زم زم’ لکھ دیا جائے۔ ان کے بقول، یہ عمل مہینے میں دو مرتبہ دہرایا جائے تو بجلی کا بل حیرت انگیز طور پر کم ہو جائے گا۔
جیسے ہی یہ ویڈیو وائرل ہوئی، سوشل میڈیا صارفین نے بھرپور ردعمل دینا شروع کردیا۔ کئی افراد نے طنزیہ تبصرے کیے۔
یہ پہلا موقع نہیں ہے جب مولانا جمیل اپنے بیانات کی وجہ سے خبروں میں آئے ہوں۔
اسی پروگرام میں ایک اور موقع پر، جب ایک خاتون کالر نے اپنے شوہر کی حد سے زیادہ باتونی عادت کی شکایت کی، تو بجائے ان کی مشکل کو سمجھنے کے، مولانا نے انہیں الٹا کم بولنے کا مشورہ دے دیا، جس پر بھی صارفین نے خاصا تنقید کی۔