چترال ، کوہستان اور چلاس میں موسلادھار بارشوں کے باعث شاہراہ قراقرم سمیت کئی سڑکیں بند ہو گئیں۔
چترال میں موسلادھار بارشوں اور برفباری کا سلسلہ جاری ہے، جس کی وجہ سے سیکڑوں درخت اور درجنوں کچے مکانات گر گئے جبکہ کئی مقامات پر سڑکیں بھی بند ہو گئی ہیں۔
بلوچستان میں بارش ، 6 افراد جاں بحق ، لینڈ سلائیڈنگ سے ہزاروں گاڑیاں پھنس گئیں
علاوہ ازیں چترال کے علاقوں میں بجلی بھی معطل ہو گئی ہے بارش اور برف باری کے باعث آڑو، بادام ، ناشپاتی اور سیب کی فصلیں بھی تباہ ہو گئیں۔
خراب موسم کی وجہ سے شہریوں کو شدید مشکلات کا سامنا ہے۔ ڈپٹی کمشنر چترال کے مطابق خراب موسم کے پیش نظر ضلع بھر کے تمام اسکولوں میں 2 روز کی چھٹی کا اعلان کیا گیا ہے۔
ملک کے مختلف علاقوں میں موسلادھار بارش کی پیشگوئی
اس کے علاوہ کوہستان اور چلاس میں بھی موسلادھار بارش اور لینڈ سلائیڈنگ سے شاہراہ قراقرم 3 مقامات سے بند ہو گئی ہے۔