پاکستانی دفترخارجہ نے قطر میں امریکی الدید ایئربیس پر حملے کے نتیجے میں خطے میں سیکیورٹی صورتحال کی سنگینی میں اضافے پر گہری تشویش اور خطرے کا اظہار کیا ہے۔
دفتر خارجہ نے بیان میں کہا کہ ہم تمام ممالک کی خود مختاری اور علا قائی سالمیت کے احترام کے اصول کی حالیہ خلاف ورزی کی شدید مذمت کرتے ہیں۔ پاکستان بین الاقوامی قانون کے بنیادی اصولوں کی پاسداری پر زور دیتا ہے اور تمام فریقوں سے بھی امید کرتا ہے کہ وہ اس کی پابندی کریں۔
بیان میں مزید کہا گیا کہ پاکستان تمام تنازعات کے حل کے لیے مذا کرات اور سفارت کاری پر زور دینے کے ساتھ تناؤ کے خاتمے کے لیے فوری قدم اٹھانے پر زور دیتا ہے۔