کیماڑی ٹاؤن کی حدود میں واقع شیرشاہ کالونی کے ندی نالے کچرے سے لبالب بھر چکے ہیں۔
بارشوں کے دوران ندی نالوں میں پانی کی نکاسی نہ ہونے کے باعث علاقے میں سیلاب کے خدشہ کے پیش نظر علاقہ مکین شدید پریشانی میں مبتلا ہیں۔
علاقہ مکینوں کے مطابق سڑکیں اور ندی نالےکچرے سےبھر چکے ہیں۔مکینوں کو آمدورفت میں شدید مشکلات کا سامنا ہے۔ صفائی کے شدید فقدان کے باعث بارش کے دوران اور بعد میں وبائی امراض پھوٹنے کا خدشہ ہے۔
اہالیان علاقہ نے کیماڑی ٹاؤن انتظامیہ سے شکوہ کرتے ہوئے کہا کہ انتظامیہ کہاں ہے؟ عوام کب تک اذیتیں برداشت کریں؟انہوں نے ٹاؤن انتظامیہ سے فوری نوٹس لینے کا مطالبہ کیا ہے۔