اگر آپ کا شناختی کارڈ گم ہو گیا ہے یا اس کی میعاد ختم ہو چکی ہے تو گھبرانے کی ضرورت نہیں۔ نادرا نے اب شہریوں کے لیے ایک نیا، آسان اور تیز تر طریقہ متعارف کرا دیا ہے جس کے ذریعے بغیر کسی اضافی الجھن کے آپ کم فیس میں جدید فیچرز سے لیس نیا کارڈ حاصل کر سکتے ہیں۔

نادرا کی حالیہ سوشل میڈیا پوسٹ کے مطابق، اگر آپ کا بغیر چپ والا شناختی کارڈ گم ہو گیا ہے یا اس کی تاریخِ میعاد ختم ہو چکی ہے، تو اب تجدید یا گمشدگی کی درخواست دینے کی بجائے "ترمیم (modification)" کی درخواست جمع کروائیں۔ اس طریقہ سے آپ کو کم فیس میں ایک ایسا نیا کارڈ ملے گا جو سمارٹ کارڈ کی اضافی خصوصیات کا حامل ہوگا، چاہے وہ کارڈ چپ کے بغیر ہی کیوں نہ ہو۔

یہ درخواست آپ کسی بھی نزدیکی نادرا دفتر میں جمع کروا سکتے ہیں، یا پھر گھر بیٹھے پاک آئی ڈی موبائل ایپ کے ذریعے بھی کارروائی مکمل کی جا سکتی ہے۔

نادرا شناختی کارڈ کی فیس اور وقت

نادرا نے شناختی کارڈ کی فیس اور پراسیسنگ ٹائم بھی واضح کر دیا ہے:

نارمل کارڈ: فیس 400 روپے، ڈیلیوری کا وقت 15 دن

ارجنٹ کارڈ: فیس 1150 روپے، کارڈ 12 دن میں دستیاب

ایگزیکٹو کارڈ: فیس 2150 روپے، صرف 6 دن میں ڈیلیوری

نادرا کے مطابق، یہ نئی سہولت شہریوں کو کم قیمت میں زیادہ سہولت دینے کے لیے متعارف کرائی گئی ہے تاکہ ہر شہری اپنے شناختی دستاویزات کی تجدید آسانی سے کر سکے، چاہے وہ کسی بھی شہر یا گاؤں میں مقیم ہو۔

اب اگر آپ کا کارڈ گم ہو جائے یا اس کی میعاد ختم ہو جائے، تو بس ترمیم کی درخواست دیں، اور جدید خصوصیات سے لیس شناختی کارڈ جلد حاصل کریں۔