کراچی کے علاقے لانڈھی میں اسپتال چورنگی کے قریب ڈمپر نے موٹرسائیکل کو روند ڈالا جس کے نتیجے میں ایک موٹرسائیکل سوار جاں بحق اور دوسرا زخمی ہوگیا۔
حادثے کے بعد ڈرائیور ڈمپر سمیت فرار ہوگیا، حادثے میں جاں بحق نوجوان کی شناخت 20 سالہ کاشان جبکہ زخمی کی شناخت 19 سالہ جواد کے نام سے ہوئی۔
ریسکیو حکام کے مطابق حادثہ تیز رفتاری کے باعث پیش آیا، پولیس نے جاں بحق و زخمی نوجوان کو اسپتال منتقل کر کے ڈمپر ڈرائیور کی تلاش شروع کردی۔