|
|
اپنے ہاتھوں اپنی زندگی کا خاتمہ کرنا ایک بہت ہی مشکل
کام ہوتا ہے مگر بعض اوقات انسان کی زندگی ایسے دوراہے پر آکر تھم سی جاتی
ہے جب وہ ہمت ہار بیٹھتا ہے اور اس کو ایسا محسوس ہوتا ہے کہ اب یہ زندگی
اس کے لیے بے معنی رہ گئی ہے اور وہ اپنی زندگی کا خاتمہ کر کے تمام مشکلات
کو حل کر لینا چاہتا ہے- |
|
بھارتی مشہور اداکارہ
ویشالی ٹکر کی خودکشی |
شوبز سے جڑے افراد کی سب سے بڑی خواہش شہرت
کا حصول ہوتا ہے شہرت اور کامیابی مل جائے تو دولت خود بخود ان کے دروازے
پر دستک دینے لگتی ہے۔ جس کے بعد زندگی مکمل لگنے لگتی ہے ایسا ہی کچھ
بھارت کی چھوٹی اسکرین پر کام کرنے والی ویشالی ٹکر کے ساتھ بھی ہوا کم
عمری ہی میں اسٹار پلس کے مشہور ڈرامے یہ رشتہ کیا کہلاتا ہے میں کام کر کے
کامیابی اور شہرت تو انہوں نے سمیٹ لی- |
|
مگر اس کے ساتھ ساتھ ان کی زندگی ان کے پڑوسی اور سابقہ دوست راہول نیولانی
نے عذاب بنا دی ۔ وہ گزشتہ ڈھائی سال سے اپنی ساتھی ڈيشا کے ساتھ مل کر
ویشالی کو بلیک میل کر رہا تھا جس کے حوالے سے ویشالی نے اپنی قریبی دوستوں
کو بھی آگاہ کیا تھا- مگر ویشالی کو امید تھی کہ وہ اس معاملے کو تنہا ہی
سنبھال لیں گی- |
|
|
|
برداشت کی حد |
مگر 16 اکتوبر 2022 کو ویشالی کی برداشت کی حد ختم ہو
گئی اور انہوں نے راہول کی بلیک میلنگ سے بچنے کے لیے خود کو ہی ختم کرنے
کا فیصلہ کر لیا۔ ان کی لاش پنکھے سے لٹکتی ہوئی ان کے کمرے میں پائی گئی
جس کے ساتھ ان کا آخری خط بھی موجود تھا جو انہوں نے مرنے سے قبل اپنے
والدین کے نام لکھا تھا- |
|
خودکشی سے قبل لکھا گیا
خط |
مرنے سے قبل اپنے والدین کے نام لکھے گۓ خط میں ویشالی
کا کہنا تھا کہ میں ہار گئی۔ میں آپ سے بہت پیار کرتی ہوں مگر میں آپ کی
اچھی بیٹی بننے میں کامیاب نہ ہو سکی۔ مگر میری آپ سے درخواست ہے کہ آپ نے
راہول اور اس کے گھر والوں کو ضرور سزا دلوانی ہے- |
|
راہول اور دیشا گزشتہ ڈھائی سالوں سے مجھے سخت
ترین ذہنی اذیت پہنچا رہے تھے مجھے اس وقت تک سکون نہیں ملے گا جب تک راہول
اور ڈیشا کو سزا نہ ملے گی۔ متیش سے کہیے گا کہ مجھے معاف کر دے میں ہار
گئی- |
|
شادی سے صرف دو
مہینے قبل خودکشی |
متیش ویشالی کے منگیتر تھے جن سے ان کی منگنی
2021 میں ہوئی تھی اور ان کی شادی گزشتہ سال ہی ہونی تھی مگر کوویڈ کی وجہ
سے ملتوی کر دی گئی تھی اور اس سال دسمبر میں ان دونوں کی شادی ہونے والی
تھی جس کی تیاریاں زور و شور سے جاری تھیں مگر شادی سے صرف دو مہینے قبل ہی
ویشالی ہمت ہار گئيں- |
|
|
|
پولیس کی
تحقیقات |
پولیس کی تحقیقات کے مطابق راہول ویشالی کے
پڑوس میں ہی رہتا تھا مگر اس واقعے کے بعد سے وہ گھر سے غائب ہے تاہم پولیس
اس حوالے سے تحقیقات کر رہی ہے اور راہول کی تلاش جاری ہے- |
|
ویشالی کی
کہانی سے سبق |
ویشالی کی کہانی ان تمام لڑکیوں کے لیے ایک سبق
ہے جو اپنے والدین کو ناخوش کر کے نئے رشتوں پر اعتبار کر لیتی ہیں مگر وقت
آنے پر یہ ثابت ہو جاتا ہے کہ وہ غلط ہیں مگر اس وقت تک بہت دیر ہو چکی
ہوتی ہے- |