|
|
| |
| اس دنیا میں ہر اس فرد کو کامیاب تصور کیا جاتا ہے جس کے
پاس عزت دولت اور شہرت ہو۔ اور اگر اس فرد کو سیاسی میدان میں بھی کامیابی
حاصل ہو جائے تو اس کے پاس طاقت بھی آجاتی ہے جو کہ اس کی اس دنیا میں
کامیابی کو چار چاند لگا دیتی ہے- تاہم اس کامیابی کے حصول کا سفر کیسے طے
کیا گیا ہے اور اس میں کتنی مشکلات ہوتی ہیں اس کو وہ کبھی فراموش نہیں کر
سکتا ہے- |
| |
| متھن چکروتی
کی کامیابیوں کا سفر |
| بھارتی اداکار متھن چکرورتی جن کا تعلق بنگال سے ہے ان
کو کچھ لوگ اس انڈسٹری کے ڈسکو کنگ کے نام سے یاد کرتے ہیں جب کہ کچھ ان کو
متھن دا کے نام سے بھی مخاطب کرتے ہیں- |
|
|
|
ڈسکو ڈانسر سے شہرت پانے والے متھن چکرورتی اب تک بھارتی فلم انڈسٹری کا ہر
بڑا ایوارڈ اپنے نام کر چکے ہیں اس کے ساتھ ساتھ بھارتی سیاست میں بھی بہت
اہم کردار ادا کرتے ہوئے نظر آتے ہیں- |
|
|
|
کامیابی کے سفر کا ناکامی سے آغاز |
|
جس طرح ہر بڑے انسان کی کامیابی کے پیچھے ایک بڑی جدوجہد پوشیدہ ہوتی ہے
اسی طرح متھن جی کی اس کامیاب زندگی کے پیچھے بھی ایک طویل اور مشکل ترین
جدوجہد ہے جس پر سے حالیہ دنوں میں انہوں نے پردہ ہٹاتے ہوئے نئی نسل کو
بہت کچھ بتایا- |
|
|
|
|
| |
| ان کا کہنا تھا کہ وہ نہیں چاہتے کہ زندگی کی جن مشکلات
کا سامنا انہوں نے کیا ہے کسی اور کو کرنا پڑے کامیاب ہونے کے لیے مشکل دور
سے تو سب ہی گزرتے ہیں مگر ان کی اس جدوجہد میں کامیابی کی راہ میں سب سے
بڑی رکاوٹ ان کی رنگت تھی- لوگ ان کی گندمی رنگ کے سبب نہ صرف برے برے
ناموں سے پکارتے تھے بلکہ ان کی بے تحاشا تذلیل بھی کرتے تھے- |
| |
| متھن کا اس وقت کے حوالے سےیہ بھی کہنا تھا کہ وہ ساری
ساری رات اپنی رنگت کی وجہ سے روتے رہتے تھے اور دن چڑھے ان کے پاس کھانے
کو بھی کچھ نہ ہوتا تھا جس کی وجہ سے ان کی رنگت مزید سیاہ ہو جاتی تھی- |
| |
| ان کا یہ بھی کہنا تھا کہ یہ وہ وقت تھا جب ان کو نہ تو
پیٹ بھر روٹی ملتی تھی اور نہ ان کے سر پر کوئی چھت ہوتی تھی وہ فٹ پاتھ پر
رات گزارنے پر مجبور ہوتے تھے- |
| |
| میری زندگی پر فلم نہیں
بننی چاہیے |
| ان کا یہ بھی کہنا تھا کہ یہی وجہ ہے کہ وہ نہیں چاہتے
کہ ان کی زندگی پر کوئی فلم بنائی جائے اس کی وجہ انہوں نے بتائی کہ ان کو
یہ محسوس ہوتا ہے کہ اگر ان کی زندگی کی مشکلات کا نئی نسل کو پتہ چل گیا
تو ان کو لگتا ہے کہ وہ ان دشواریوں کو دیکھ کر جن کا سامنا انہوں نے کیا
ہمت ہار بیٹھیں گے اور پھر ہو سکتا ہے کہ کوئی اس صنعت میں قسم آزمائی کے
لیے تیار نہ ہو- |
|
|
|
|
| |
| ان کا یہ ماننا ہے کہ وہ اس وجہ سے کامیاب نہیں
ہیں کہ انہوں نے کامیاب فلمیں دی ہیں بلکہ وہ کامیاب اس لیے ہیں کہ انہوں
نے زندگی کی بڑی سے بڑی مشکل کا مقابلہ بڑی بہادری سے کیا اور ہر مشکل کو
ہرا کر خود کو کامیاب کیا- |
| |
| متھن کی زندگی اس شعبے میں محنت کرنے والوں کے
لیے مثال ہے کہ اگر انسان میں صلاحیت ہو تو اسے کامیاب ہونے سےکوئی روک
نہیں سکتا ہے- |