نوال ! بےمثال ۔۔۔ پاکستانی شوبز میں آنے والی نئی اداکاراؤں کے خوبصورت نام اور ان کے دلچسپ معنی

آج ہم آپ کو ان ہی اداکاراؤں میں سے چند کے ناموں کے مطلب بتانے جا رہے ہیں۔


1: تانیہ
 تانیہ حسین پاکستان کی معروف ماڈل نتاشہ حسین کی صاحبزادی ہیں۔ تانیہ نے اپنی اداکاری کے کیرئیر کا آغاز ڈرامہ سیریل کشف سے کیا تھا جس میں ان کی اداکاری کو بے حد سراہا گیا۔ تانیہ نام کے معنی ہیں ''پریوں کی شہزادی''۔

2: عرشیہ
 عرشیہ اکبر نے اداکاری کا آغاز بطور چائلڈ اسٹار ڈرامہ سیریل اڈاری سے کیا تھا، تاہم انہوں نے ڈرامہ سیریل گھسی پٹی محبت میں بھی اداکاری کے جوہر دکھائے۔ عرشیہ ایک انتہائی خوبصورت نام ہے جس کے معنی ہیں ''عزت والی، معزز، آسمان پر رہنے والی''۔ عرشیہ فارسی زبان کا نام ہے۔

3: ماہا
 ماہا حسن وہ اداکارہ ہیں جنہوں نے اپنی اداکاری کے آغاز پر ہی دو ہٹ ڈرامہ سیریل میں کام کیا جس میں عشقیہ اور نند شامل ہیں۔ ماہا نام کے معنی ہیں ''چاند، مہتاب، برگزیدہ، عظیم''۔

4: درِ فشاں
 درِ فشاں بھی پاکستانی ڈراموں میں آنے والی نئی اداکارہ ہیں جنہوں نے ڈرامہ دل ربا میں کام کیا۔ در فشاں انتہائی منفرد اور پیارا نام ہے جس کے معنی ہیں ''بکھرے موتی، موتی نچھاور کرنے والی''۔

5: ںوال
 نوال سعید بھی پاکستانی ڈراموں میں اپنی اداکاری کے جوہر دکھا رہی ہیں جنہیں مداح کافی پسند بھی کر رہے ہیں۔ نوال کے معنی ہیں ''عطا٬ مہربانی، بے نظیر، بے مثل، عنایت، بخشش''۔

6: جویریہ
 جویریہ کامران نے ڈرامہ سیریل انا سے اپنی اداکاری کے کیرئیر کا آغاز کیا جس میں انہوں نے منفی کردار نبھایا۔ جویریہ کی اداکاری مداحوں کو ہر بار بے حد پسند آئی، جویریہ عربی زبان کا نام ہے جس کے معنی ہیں ''خوشیاں بانٹنے والی''۔

7: حریم
 حریم سہیل نے اداکاری کا آغاز ڈرامہ سیریل گھسی پٹی محبت سے کیا، حریم پاکستان کی معروف اداکارہ بینا چوہدری کی بیٹی ہیں۔ حریم کے معنی ہیں ''قابلِ عزت, قابلِ احترام, محترم، چار دیواری''۔

8: آئزہ
 ئزہ عوان بھی کئی ڈراموں میں اداکاری کر رہی ہیں، ان کا نام منفرد ہے اور مختصر بھی۔ آئزہ کے معنی ہیں ''عزت والی، مرتبہ والی، مقام والی''۔ جبکہ یہ نام عربی زبان کا ہے۔۔

9: فریحہ 
 فریحہ رضا بھی پاکستان کی نئی اداکارہ ہیں جنہوں نے ڈرامہ سیریل الف میں مومنہ کی دوست اقصیٰ کا کردار نبھایا۔ فریحہ عربی زبان کا نام ہے جس کے معنی ہیں ''خوشحالی، پُر مسرت''۔

10: اریبہ
 اریبہ شہود پاکستان کے نامور اداکار شہود علوی کی صاحبزادی ہیں، انہوں نے اپنی اداکاری کا آغاز ڈرامہ سیریل انا سے کیا۔ اریبہ کے معنی ہیں ''عقلمند, دانا, ہوشيار''۔۔

10: نعیمہ
 نعیمہ بٹ نے اداکاری کا آغاز بلاک بسٹر ڈرامہ سیریل عہدِ وفا سے کیا۔ نعیمہ عربی زبان کا نام ہے جس کے معنی ہیں ''بہشت، مال، جنتی''۔
۔