حضرت عبداللہ بن عباس رضی اللہ
عنھما سے روایت ہے ’’حضور نبی اکرم صلی اللہ علیہ وآلہ وسلم جب مدینہ تشریف
لائے تو آپ صلی اللہ علیہ وآلہ وسلم نے دیکھا کہ یہودی یوم عاشورہ (دس محرم)
کا روزہ رکھتے ہیں۔ پس ان سے اس کی بابت دریافت کیا گیا تو انہوں نے کہا :
اس دن اللہ تعالیٰ نے حضرت موسیٰ علیہ السلام اور بنی اسرائیل کو فرعون پر
غلبہ ونصرت عطا فرمائی تو ہم اس عظیم کامیابی کی تعظیم و تکریم بجا لانے کے
لیے اس دن روزہ رکھتے ہیں، (یہ ہمارا یومِ فتح ہے)۔ اس پر حضور نبی اکرم
صلی اللہ علیہ وآلہ وسلم نے فرمایا : ہم تم سے زیادہ موسیٰ کے حق دار ہیں۔
پھر آپ صلی اللہ علیہ وآلہ وسلم نے روزہ رکھنے کا حکم دیا۔
بخاری کتاب فضائل الصحابة، باب إتيان اليهود النبي صلي الله عليه وآله وسلم
حين قدم المدينة، 3 : 1434، رقم : 3727
سنن ابوداؤد، کتاب الصوم، باب في صوم يوم عاشوراء، 2 : 326، رقم : 2444
مسلم، کتاب الصيام، باب صوم يوم عاشوراء، 2 : 795، رقم : 1130
’’حضور نبی اکرم صلی اللہ علیہ وآلہ وسلم جب مدینہ تشریف لائے تو آپ صلی
اللہ علیہ وآلہ وسلم نے دیکھا کہ یہودی یوم عاشورہ (دس محرم) کا روزہ رکھتے
ہیں۔ آپ صلی اللہ علیہ وآلہ وسلم نے ان سے اس دن روزہ رکھنے کا سبب دریافت
فرمایا تو انہوں نے جواب دیا : یہ دن (ہمارے لیے) متبرک ہے۔ یہ وہ مبارک دن
ہے جس دن اﷲ تعالیٰ نے بنی اسرائیل کو ان کے دشمن (فرعون) سے نجات دلائی (یہ
ہمارا یوم آزادی اور یوم نجات ہے)۔ پس حضرت موسیٰ علیہ السلام نے اس دن
روزہ رکھا۔ آپ صلی اللہ علیہ وآلہ وسلم نے فرمایا : تم سے زیادہ موسیٰ کا
حق دار میں ہوں۔ چنانچہ آپ صلی اللہ علیہ وآلہ وسلم نے اس دن روزہ رکھا اور
(صحابہ کرام رضی اللہ عنھم کو بھی) اس دن روزہ رکھنے کا حکم فرمایا۔
بخاری،کتاب الصوم، باب صيام يوم عاشوراء، 2 : 704، رقم : 1900
المسند، 1 : 291، رقم : 2644 ،احمد بن حنبل
:: مسند، ابو يعليٰ، 4 : 441، رقم : 2567
تفسيرابن کثير، 1 : 92
حضور نبی کریم رؤف الرحیم باعث تخلیق کون ومکاں صلی اللہ علیہ وآلہ وسلم
یہودیوں کے جواب میں فرمایا : تمہاری نسبت ہم موسیٰ کے زیادہ حق دار اور
قریبی ہیں۔ پس اس دن آپ صلی اللہ علیہ وآلہ وسلم نے خود بھی روزہ رکھا اور
(صحابہ کرام رضی اللہ عنھم کو بھی) اس دن روزہ رکھنے کا حکم فرمایا۔
بخاری،کتاب الأنبياء، باب قول اﷲ تعالي : وهل أتاک حديث موسي، 3 : 1244،
رقم : 3216
مسلم،کتاب الصيام، باب صوم يوم عاشوراء، 2 : 796، رقم : 1130
سنن ابن ماجة،کتاب الصيام، باب صيام يوم عاشوراء، 1 : 552، رقم : 1734
حضرت ابو موسیٰ اشعری رضی اللہ عنہ فرماتے ہیں : ’’یوم عاشورہ کو یہود یومِ
عید شمار کرتے تھے، حضور نبی اکرم صلی اللہ علیہ وآلہ وسلم نے (مسلمانوں کو
حکم دیتے ہوئے) فرمایا : تم ضرور اس دن روزہ رکھا کرو۔
بخاری،کتاب الصوم، باب صيام يوم عاشوراء، 2 : 704، 705، رقم : 1901
مسلم، 2، 796، کتاب الصيام، باب صيام يوم عاشوراء، رقم : 1131
سنن نسائی،2 : 159، رقم : 2848
سنن بيهقي، 4 : 289، رقم : 8197
شرح معاني الآثار(طحاوی)کتاب الصوم، باب صوم يوم عاشوراء، 2 : 133، رقم :
3217
جب یہود سے حضور نبی اکرم صلی اللہ علیہ وآلہ وسلم نے یوم عاشورہ کا روزہ
رکھنے کے بارے میں دریافت فرمایا تو انہوں نے بنی اسرائیل کی آزادی اور
فرعون کی غرقابی کا ذکر کرنے کے بعد کہا ’’اور یہ وہ دن ہے جس میں جودی
پہاڑ پر کشتی ٹھہری تو حضرت نوح اورموسی علیھما السلام نے اللہ تعالیٰ کا
شکر ادا کرتے ہوئے روزہ رکھا۔اِس پر حضور نبی اکرم صلی اللہ علیہ وآلہ وسلم
نے فرمایا ’’میں موسیٰ کا زیادہ حق دار ہوں اور میں اس دن روزہ رکھنے کا
زیادہ حق رکھتا ہوں۔ پھر آپ صلی اللہ علیہ وآلہ وسلم نے صحابہ کرام رضی
اللہ عنھم کو بھی اُس دن روزہ رکھنے کا حکم دیا۔
فتح الباري، 4 : 247،حافظ ابن حجر عسقلانی (773۔ 852ھ)
غلافِ کعبہ کا دن عید
حضرت عائشہ صدیقہ رضی اﷲ عنھا سے روایت ہے۔ اہلِ عرب رمضان کے روزے فرض
ہونے سے قبل یوم عاشورہ کا روزہ رکھتے تھے اور (اس کی وجہ یہ ہے کہ) اس دن
کعبہ پر غلاف چڑھایا جاتا تھا۔ پھر جب اللہ تعالیٰ نے رمضان کے روزے فرض کر
دیے تو رسول اکرم صلی اللہ علیہ وآلہ وسلم نے فرمایا : تم میں سے جو اس دن
روزہ رکھنا چاہے وہ روزہ رکھ لے، اور جو ترک کرنا چاہے وہ ترک کر دے۔
:: بخاری،کتاب الحج، باب قول اﷲ : جعل اﷲ الکعبة البيت الحرام، 2 : 578،
رقم : 1515
’’حضرت عمر بن خطاب رضی اللہ عنہ سے روایت ہے : ایک یہودی نے اُن سے کہا :
اے امیر المومنین! آپ اپنی کتاب میں ایک ایسی آیت پڑھتے ہیں کہ اگر وہ آیت
ہم گروہِ یہود پر اُترتی تو ہم اس کے نزول کا دن عید بنا لیتے۔ آپ نے پوچھا
: کون سی آیت؟ اس نے کہا : (آج میں نے تمہارے لیے تمہارا دین مکمل کر دیا
اور تم پر اپنی نعمت پوری کر دی اور تمہارے لیے اسلام کو (بہ طورِ) دین
(یعنی مکمل نظامِ حیات کی حیثیت سے) پسند کر لیا)۔ حضرت عمر رضی اللہ عنہ
نے فرمایا : جس دن اور جس جگہ یہ آیت حضور نبی اکرم صلی اللہ علیہ وآلہ
وسلم پر نازل ہوئی ہم اس کو پہچانتے ہیں۔ آپ صلی اللہ علیہ وآلہ وسلم اُس
وقت جمعہ کے دن عرفات کے مقام پر کھڑے تھے
بخاری،کتاب الإيمان، باب زيادة الإيمان ونقصانه، 1 : 25، رقم : 45
2. کتاب المغازي، باب حجة الوداع، 4 : 1600، رقم : 4145
3. کتاب تفسير القرآن، باب قوله : اليوم أکملت لکم دينکم، 4 : 1683، رقم :
4330
4. کتاب الاعتصام بالکتاب والسنة، 6 : 2653، رقم : 6840
مسلم،کتاب التفسير، 4 : 2313، رقم : 3017
ترمذي، أبواب تفسير القرآن، باب من سورة المائدة، 5 : 250، رقم : 3043
سنن نسائی، کتاب الإيمان، باب زيادة الإيمان، 8 : 114، رقم : 5012
حضرت عمار بن اَبی عمار رضی اللہ عنہ نے روایت کیا ہے۔ کہ ایک دفعہ حضرت
عبد اللہ بن عباس رضی اﷲ عنہما نے آیت۔ (الْيَوْمَ أَكْمَلْتُ لَكُمْ
دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ
الْإِسْلاَمَ دِينًا)۔ تلاوت کی تو آپ کے پاس ایک یہودی کھڑا تھا۔ اس نے
کہا :
لو أنزلت هذه علينا لاتّخذنا يومها عيدًا.
’’اگر یہ آیت ہم پر نازل ہوتی تو ہم اس کے نزول کا دن عید کے طور پر
مناتے۔‘‘
حضرت عبد اللہ بن عباس رضی اﷲ عنہما نے فرمایا :
فإنها نزلت في يوم عيدين : في يوم الجمعة ويوم عرفة.
’’بے شک یہ آیت دو عیدوں یعنی جمعہ اور عرفہ (حج) کے دن نازل ہوئی۔
ترمذي، الجامع الصحيح، کتاب تفسير القرآن، باب من سورة المائدة، 5 : 250،
رقم : 3044
طبراني، المعجم الکبير، 12 : 184، رقم : 12835
طبري، جامع البيان في تفسير القرآن، 6 : 82
مروزي، تعظيم قدر الصلاة، 1 : 352، رقم : 354
5 ابن کثير، تفسير القرآن العظيم، 2 : 14
ابن موسي حنفي، معتصر المختصر، 2 : 169
جمعۃ المبارک عید کا دن ہے،
حضرت عبد اللہ بن عباس رضی اﷲ عنہما سے روایت ہے ’’بے شک یہ عید کا دن ہے
جسے اللہ تعالیٰ نے مسلمانوں کے لیے بنایا ہے۔ پس جو کوئی جمعہ کی نماز کے
لیے آئے تو غسل کر کے آئے، اور اگر ہوسکے تو خوشبو لگا کر آئے۔ اور تم پر
مسواک کرنا لازمی ہے۔
ابن ماجه، السنن، کتاب إقامة الصلٰوة، باب في الزينة يوم الجمعة، 1 : 349،
رقم : 1098
حضرت ابوہریرہ رضی اللہ عنہ سے روایت ہے حضور نبی اکرم صلی اللہ علیہ وآلہ
وسلم نے فرمایا بے شک یومِ جمعہ عید کا دن ہے، پس تم اپنے عید کے دن کو
یومِ صیام (روزوں کا دن) مت بناؤ مگر یہ کہ تم اس سے قبل (جمعرات) یا اس کے
بعد (ہفتہ) کے دن کا روزہ رکھو (پھر جمعہ کے دن روزہ رکھنے کی اجازت ہے
ورنہ نہیں)
أحمد بن حنبل، المسند، 2 : 303، 532، رقم : 8012، 10903
اِبن حبان سے روایت ہے کہ ابو اوبر بیان کرتے ہیں ’’میں حضرت ابو ہریرہ رضی
اللہ عنہ کے پاس بیٹھا ہوا تھا کہ ایک شخص نے اُن کے پاس آ کر کہا : آپ نے
لوگوں کو جمعہ کے دن روزہ رکھنے سے منع فرمایا ہے؟ آپ نے فرمایا : میں نے
لوگوں کو جمعہ کے دن روزہ رکھنے سے نہیں روکا بلکہ میں نے حضور نبی اکرم
صلی اللہ علیہ وآلہ وسلم کو یہ فرماتے ہوئے سنا : تم جمعہ کے دن روزہ نہ
رکھو کیوں کہ یہ عید کا دن ہے، سوائے اس کے کہ تم اس کو اور دنوں کے ساتھ
ملا کر (روزہ) رکھو۔
ابن حبان، 8 : 375، رقم : 3610
حضور نبی کریم رؤف الرحیم صلی اللہ علیہ وآلہ وسلم کا یومِ میلاد پر روزہ
رکھ کر خود خوشی کا اِظہار فرمانا
حضرت ابو قتادہ انصاری رضی اللہ عنہ سے روایت ہے ’’حضور نبی اکرم صلی اللہ
علیہ وآلہ وسلم سے پیر کے دن روزہ رکھنے کے بارے میں سوال کیا گیا تو آپ
صلی اللہ علیہ وآلہ وسلم نے فرمایا : اسی روز میری ولادت ہوئی اور اسی روز
میری بعثت ہوئی اور اسی روز میرے اوپر قرآن نازل کیا گیا۔
اوراسی روز مجھے نبوت سے سرفراز کیا گیا
مسلم،کتاب الصيام، باب استحبابِ صيام ثلٰثة أيام من کل شهر، 2 : 819، رقم :
1162
سنن نسائی، 2 : 146، رقم : 2777 ودیگر
حضور نبی کریم رؤف الرحیم صلی اللہ علیہ وآلہ وسلم نے اپنا میلاد بکرے ذبح
کر کے منایا حضرت انس رضی اللہ عنہ سے روایت ہے کہ ’’حضور نبی اکرم صلی
اللہ علیہ وآلہ وسلم نے اِعلانِ نبوت کے بعد اپنا عقیقہ کیا۔
سنن بيهقي،9 : 300، رقم : 43
فتح الباري، امام عسقلا نی 9 : 595
تهذيب التهذيب، 5 : 340، رقم : 661 امام عسقلا نی
حضرت عبد اﷲ بن عباس رضی اﷲ عنہما فرماتے ہیں ’’جب حضور صلی اللہ علیہ وآلہ
وسلم کی ولادت ہوئی تو حضرت عبد المطلب رضی اللہ عنہ نے آپ کی طرف سے ایک
مینڈھے کا عقیقہ کیا۔
کفاية الطالب اللبيب في خصائص الحبيب، 1 : 134 امام سیوطی
إنسان العيون في سيرة الأمين المامون، 1 : 128 حلبی
تاريخ دمشق الکبير، 3 : 32 ، ابن عساکر
’’حسن المقصد فی عمل المولد (ص : 64، 65)‘‘ میں اِمام جلال الدین سیوطی
لکھتے ہیں
’’یوم میلادالنبی صلی اللہ علیہ وآلہ وسلم منانے کے حوالہ سے ایک اور دلیل
مجھ پر ظاہر ہوئی ہے۔ وہ ہے جو امام بیہقی نے حضرت انس رضی اللہ عنہ سے نقل
کیا ہے کہ حضور نبی اکرم صلی اللہ علیہ وآلہ وسلم نے اِعلانِ نبوت کے
بعدخود اپنا عقیقہ کیا باوُجود اس کے کہ آپ صلی اللہ علیہ وآلہ وسلم کے
دادا عبد المطلب آپ صلی اللہ علیہ وآلہ وسلم کی پیدائش کے ساتویں روز آپ
صلی اللہ علیہ وآلہ وسلم کا عقیقہ کر چکے تھے۔ اورعقیقہ دو (2) بار نہیں
کیا جاتا۔ پس یہ واقعہ اِسی پر محمول کیا جائے گا کہ آپ صلی اللہ علیہ وآلہ
وسلم نے اپنے آپ کو اﷲ کی طرف سے رحمۃً للعالمین اور اپنی اُمت کے مشرف
ہونے کی وجہ سے اپنی ولادت کی خوشی کے اظہار کے لیے خود عقیقہ کیا۔ اسی طرح
ہمارے لیے مستحب ہے کہ ہم بھی حضور نبی اکرم صلی اللہ علیہ وآلہ وسلم کے
یومِ ولادت پر خوشی کا اِظہار کریں اور کھانا کھلائیں اور دیگر عبادات بجا
لائیں اور خوشی کا اظہار کریں۔
شرح المواهب اللدنية بالمنح المحمدية، 1 : 263، 264 زرقانی،
الحاوي للفتاوی: 206 سيوطی
حجة اﷲ علي العٰلمين في معجزات سيد المرسلين صلي الله عليه وآله وسلم : 237
نبهانی
سبل الهدي والرشاد في سيرة خير العباد صلي الله عليه وآله وسلم ، 1 : 367
صالحی
آمدِ مصطفیٰ صلی اللہ علیہ وآلہ وسلم پر خوشی کا اظہار کافر کے عذاب مین
تخفیف کا باعث
’’جب ابولہب مر گیا تو اس کے اہل خانہ میں سے کسی کو اُسے خواب میں دکھایا
گیا۔ وہ برے حال میں تھا۔ (دیکھنے والے نے) اس سے پوچھا : کیسے ہو؟ ابولہب
نے کہا : میں بہت سخت عذاب میں ہوں، اس سے کبھی چھٹکارا نہیں ملتا۔ ہاں
مجھے (اس عمل کی جزا کے طور پر) اس (انگلی) سے قدرے سیراب کر دیا جاتا ہے
جس سے میں نے (محمد صلی اللہ علیہ وآلہ وسلم کی ولادت کی خوشی میں) ثویبہ
کو آزاد کیا تھا۔
بخاری۔کتاب النکاح، باب وأمهاتکم اللاتي أرضعنکم، 5 : 1961، رقم : 4813
امام بخاری کے علاوہ محدثین کی کثیر تعدادنے واقعہ میلاد کے تناظر میں نقل
کیا ہے۔
ابولہب حضور صلی اللہ علیہ وآلہ وسلم کے مخالفین میں سرِفہرست تھا۔ یہ ایسا
بدبخت شخص تھا کہ اﷲ تعالیٰ نے قرآن حکیم میں اس کی مذمت میں پوری سورت لہب
نازل فرمائی۔ مذکورہ بالا مشہور واقعہ جوحضرت زینب بنت اَبی سلمہ سے مروی
ہے کتبِ اَحادیث میں مذکور ہے کہ ابو لہب نے اپنی ایک لونڈی ثویبہ کو وقتِ
ولادت حضرت سیدہ آمنہ رضی اﷲ عنہا کی خدمت کے لیے بھیجا۔ جب حضور نبی اکرم
صلی اللہ علیہ وآلہ وسلم کی ولادت ہوئی تو ثویبہ دوڑتے ہوئے ابولہب کے پاس
پہنچی اور اسے بھتیجا پیدا ہونے کی خوش خبری سنائی۔ بھتیجے کی پیدائش کی
خبر سن کر ابولہب اتنا خوش ہوا کہ اُس نے وہیں اپنے ہاتھ کی دو انگلیوں سے
اشارہ کرتے ہوئے کہا : ’’ثویبہ! جا میں نے تجھے نومولود (صلی اللہ علیہ
وآلہ وسلم) کی پیدائش کی خوشی میں آزاد کیا۔‘‘
ابو لہب جب حالت کفر پر ہی مر گیا تو حضور نبی اکرم صلی اللہ علیہ وآلہ
وسلم کے چچا حضرت عباس رضی اللہ عنہ نے اسے خواب میں دیکھا۔ آپ رضی اللہ
عنہ نے اس سے پوچھا کہ مرنے کے بعد تجھ پر کیا گزر رہی ہے؟ اس نے جواب دیا
کہ میں دن رات سخت عذاب میں جلتا ہوں لیکن جب پیر کا دن آتا ہے تو میرے
عذاب میں کمی کر دی جاتی ہے اور میری انگلیوں سے پانی جاری ہو جاتا ہے جسے
پی کر مجھے سکون ملتا ہے۔ اِس تخفیف کا باعث یہ ہے کہ میں نے پیر کے دن
اپنے بھتیجے (محمد صلی اللہ علیہ وآلہ وسلم) کی ولادت کی خوش خبری سن کر
اپنی خادمہ ثویبہ کو ان انگلیوں کا اشارہ کرتے ہوئے آزاد کر دیا تھا۔
درج ذیل سطور میںچند ائمہ کرام کے ملفوظات نقل کئے جاتے ہیںجنہوں نے اِس
واقعہ سے جشنِ میلادالنبی صلی اللہ علیہ وآلہ وسلم کا اِستشہاد و اِستناد
کیا ہے :
’’حضور نبی اکرم صلی اللہ علیہ وآلہ وسلم کی ولادتِ باسعادت کے موقع پر
خوشی منانے کے اَجر میں اُس ابولہب کے عذاب میں بھی تخفیف کر دی جاتی ہے جس
کی مذمت میں قرآن حکیم میں ایک مکمل سورت نازل ہوئی ہے۔ تو اُمتِ محمدیہ کے
اُس مسلمان کو ملنے والے اَجر و ثواب کا کیا عالم ہوگا جو آپ صلی اللہ علیہ
وآلہ وسلم کے میلاد کی خوشی مناتا ہے اور آپ صلی اللہ علیہ وآلہ وسلم کی
محبت و عشق میں حسبِ اِستطاعت خرچ کرتا ہے؟ خدا کی قسم! میرے نزدیک اﷲ
تعالیٰ ایسے مسلمان کو اپنے حبیب مکرّم صلی اللہ علیہ وآلہ وسلم کی خوشی
منانے کے طفیل اپنی نعمتوں بھری جنت عطا فرمائیں گے۔
’’عرف التعریف بالمولد الشریف حافظ شمس الدین محمد بن عبد اﷲ جزری (م 660ھ)
’’یہ بات پایہ ثبوت کو پہنچ چکی ہے کہ میلادالنبی صلی اللہ علیہ وآلہ وسلم
کی خوشی میں ثویبہ کو آزاد کرنے کے صلہ میں ہر پیر کے روز ابولہب کے عذاب
میں کمی کی جاتی ہے۔
اَشعار
عإذا کان هذا کافر جاء ذمه
وتبت يداه في الجحيم مخلَّدا
أتي أنه في يوم الاثنين دائما
يخفّف عنه للسّرور بأحمدا
فما الظن بالعبد الذي طولُ عمره
بأحمد مسروراً ومات موحدا
’’جب ابولہب جیسے کافر کے لیے۔ جس کی مذمت قرآن حکیم میں کی گئی ہے اور
ہمیشہ ہمیشہ کے لیے جہنم میں اُس کے ہاتھ ٹوٹتے رہیں گے۔ حضور نبی اکرم صلی
اللہ علیہ وآلہ وسلم کے میلاد کی خوشی منانے کی وجہ سے ہر سوموار کو اُس کے
عذاب میں تخفیف کر دی جاتی ہے۔ تو کتنا خوش نصیب ہوگا وہ مسلمان جس کی ساری
زندگی عبادتِ الٰہی اور میلاد کی خوشیوں میں بسر ہوئی اور وہ حالتِ اِیمان
پر فوت ہوا۔
’’مورد الصادی فی مولد الہادی،ظ شمس الدین محمد بن ناصر الدین دمشقی (777۔
842ھ)
وہ روایت موقعِ میلاد پر خوشی منانے اور مال صدقہ کرنے والوں کے لیے دلیل
اور سند ہے۔ ابولہب جس کی مذمت میں ایک مکمل سورتِ قرآنی نازل ہوئی جب وہ
حضور صلی اللہ علیہ وآلہ وسلم کی ولادت کی خوشی میں لونڈی آزاد کر کے عذاب
میں تخفیف حاصل کر لیتا ہے تو اس مسلمان کی خوش نصیبی کا کیا عالم ہوگا جو
اپنے دل میں موجزن محبتِ رسول صلی اللہ علیہ وآلہ وسلم کی وجہ سے ولادتِ
مصطفیٰ کے دن مسرت اور عقیدت کا اظہار کرے۔ ہاں بدعات مثلاً رقص اور غیر
اسلامی اعمال وغیرہ سے اجتناب ضروری ہے کیوں کہ انسان اس کے باعث میلاد کی
برکات سے محروم ہو جاتا ہے۔
مدارج النبوة، 2 : (فارسی)19 شیخ عبد الحق محدث دہلوی (958۔ 1052ھ)
’’پس جب ابولہب ایسے کافر پر آپ صلی اللہ علیہ وآلہ وسلم کی ولادت کی خوشی
کی وجہ سے عذاب میں تخفیف ہو گئی تو جو کوئی امتی آپ صلی اللہ علیہ وآلہ
وسلم کی ولادت کی خوشی کرے اور اپنی قدرت کے موافق آپ صلی اللہ علیہ وآلہ
وسلم کی محبت میں خرچ کرے کیوں کر اعلیٰ مرتبہ کو نہ پہنچے گا، جیسا کہ ابن
جوزی (510۔ 579ھ) اور شیخ عبد الحق محدث دہلوی (958۔ 1052ھ) نے لکھا ہے۔
مجموعه فتاويٰ، 2 : 282 ،عبد الحئ فرنگی محلی لکھنوی (1264۔ 1304ھ)
’’جب ابولہب جیسے بدبخت کافر کے لیے میلادالنبی صلی اللہ علیہ وآلہ وسلم کی
خوشی کی وجہ سے عذاب میں تخفیف ہو گئی تو جو کوئی اُمتی آپ صلی اللہ علیہ
وآلہ وسلم کی ولادت کی خوشی کرے اور حسبِ وسعت آپ صلی اللہ علیہ وآلہ وسلم
کی محبت میں خرچ کرے تو کیوں کر اَعلیٰ مراتب حاصل نہ کرے گا۔
احسن الفتاويٰ، 1 : 347، 348 مفتی رشید احمد لدھیانوی (و 1341ھ) |