پاکستان کی چند مشہور شخصیات ضرور اپنے متعلقہ شعبے میں
ہیرو قرار دی جاتی ہیں لیکن حقیقت یہ ہے کہ کوئی بھی شخص قانون سے بالاتر
نہیں ہے- کئی ایسی نامور پاکستانی شخصیات جو ڈرامہ٬ ماڈلنگ٬ کرکٹ وغیرہ کے
شعبوں سے تعلق رکھتی ہیں٬ مختلف جرائم کی وجہ سے جیل کی ہوا کھا چکی ہیں-
آج کے آرٹیکل میں آپ کو پاکستان کی چند ایسی ہی مشہور شخصیات کا ذکر پڑھنے
کو ملے گا- |
|
پاکستان کرکٹ ٹیم کے چار
مایہ ناز کھلاڑی |
بہت کم لوگ اس بات سے واقف ہوں گے کہ ایک بار پاکستان کرکٹ ٹیم کے چار مایہ
ناز کھلاڑیوں کو ویسٹ انڈیز کے Grenda نامی ساحل سے گرفتار کر جیل بھجوا
دیا گیا تھا- ان کھلاڑیوں میں عاقب جاوید٬ مشتاق احمد٬ وقار یونس اور وسیم
اکرم شامل تھے- ان پر الزام تھا کہ ان چاروں کے پاس سے شراب اور منشیات
برآمد ہوئی ہے- اس وقت پاکستانی کرکٹ ٹیم ویسٹ انڈیز کے دورے پر تھی- |
|
|
محمد عامر٬ سلمان بٹ اور محمد آصف |
اس کیس سے کون واقف نہیں٬ سال 2010 میں ان تینوں کو اسپاٹ فکسنگ کے الزام
میں گرفتار کیا گیا تھا جس کے بعد انہیں کئی ماہ تک جیل کی ہوا کھانا پڑی-
یہ خبر ایک طویل عرصے تک دنیا بھر کے میڈیا چینلوں کی زینت بنی رہی- |
|
|
میرا |
پاکستانی فلموں کی مقبول ترین فنکارہ میرا اس وقت ائیرپورٹ سے گرفتار کر کے
جیل میں رکھا گیا جب ان کے قبضے سے ایک ہی وقت میں دو پاسپورٹ برآمد ہوئے-
میرا نے اس کی وجہ یہ بیان کی کہ “ میرا ایک پاسپورٹ گم ہوچکا تھا“ لیکن
حقیقت میں یہ کہا گیا تھا کہ وہ ایک ہی وقت میں دو افراد سے شادی کی کوشش
کر رہی تھیں- |
|
|
عتیقہ اوڈھو |
عتیقہ اووڈھو کو بھی ائیرپورٹ پر اپنا ساتھ شراب رکھنے کے جرم میں ایک بار
گرفتار کیا جاچکا ہے- تاہم انہیں بہت کم مدت میں ہی آزاد کر دیا گیا تھا- |
|
|
ایان علی |
پاکستانی ماڈل ایان علی کی منی لاںڈرنگ کیس میں گرفتاری اور اس کے بعد جیل
بھجوائے جانے کی خبریں بھی ایک طویل عرصے تک لوگوں کی توجہ کا مرکز رہیں-
ایان علی کو اسلام آباد کے بےنظیر انٹرنیشنل ائیرپورٹ سے گرفتار کیا گیا
تھا اور ان کے پاس سے 5 لاکھ ڈالر برآمد ہوئے تھے- |
|
|
عمر اکمل |
عمر اکمل بھی ٹریفک قوانین کی خلاف ورزی اور ٹریفک وارڈن کو تشدد کا نشانہ
بنانے کے جرم میں جیل کی ہوا کھا چکے ہیں- |
|
|
اسد ملک |
پاکستانی ڈرامہ انڈسٹری کے مقبول ترین فنکار اسد ملک بھی کئی سال
جیل میں گزار چکے ہیں- ان پر دو افراد کے قتل میں ملوث ہونے کا الزام تھا-
اسد ملک نے دونوں افراد کو اپنی آٹومیٹک مشین گن سے قتل کیا تھا- |
|
|
علی سلیم |
علی سلیم جن کو بیگم نوازش علی کے نام سے بھی جانا جاتا ہے کو اپنی والدہ
پر تشدد کرنے کے جرم میں جیل بھیج دیا گیا تھا- |
|