اسپین: 134 سال سے مستقل زیرِ تعمیر عمارت

آپ نے اکثر ایسی عمارات کے بارے میں تو سنا ہوگا جن کی تعمیر کو مکمل ہونے میں 10 یا 20 سال کا عرصہ صرف ہوا- لیکن دنیا میں ایک ایسی عمارت بھی موجود ہے جو گزشتہ 134 سال سے زیرِ تعمیر ہے اور تاحال اس پر کام جاری ہے-
 

جی ہاں یہ زیرِ تعمیر عمارت اسپین کے شہر بارسلونا میں واقع ہے اور اسے La Sagrada Família کے نام سے جانا جاتا ہے- یہ بارسلونا کا ایک مقبول ترین سیاحتی مقام بھی ہے-

بنیادی طور پر یہ ایک چرچ کی عمارت ہے جس کی تعمیر کا آغاز 1882 میں ہوا لیکن ایک صدی سے زائد کا عرصہ گزرنے کے باوجود یہ تعمیر مکمل نہیں ہوئی اور تاحال اس پر کام جاری ہے-
 

یہ انتہائی پرکشش عمارت ہے جسے دیکھنے کے لیے ہر 3 ملین سے زائد سیاح آتے ہیں- اس عمارت کو پرکشش اس کا دلفریب ڈیزائن بناتا ہے جو ہر کسی کو اپنی جانب متوجہ کرلیتا ہے-

اس عمارت کے تین دروازے ہیں اور اگر اسے منصوبے کے تحت مکمل کیا جاتا ہے تو اس کی لمبائی 560 فٹ ہوگی-
 

1882 سے تعمیر کی جانے والے اس عمارت کے بارے میں امید ظاہر کی جارہی ہے کہ یہ 2040 تک مکمل کرلی جائے گی- تعمیر یہ طویل عرصہ مصر کے اہراموں کی تعمیر کے عرصے سے بھی 20 سال زائد ہے-

اس عمارت میں کئی بلند و بالا ستون بنائے گئے جو اپنے بنیاد سے مختلف شکلوں کے حامل ہیں- سینکڑوں آرکیٹکچر نے مل کر اس عمارت کو ڈیزان کیا ہے-
 

بدقسمتی سے سال 1936 میں اس عمارت کو آگ کا سامنا بھی کرنا پڑا لیکن پھر بھی یہ کافی حد تک محفوظ رہی-
 

یہ چرچ ہے تکمیل کے بعد دنیا کا سب سے اہم چرچ اور مقبول ترین سیاحتی مقام ہوگا-