دنیا کی مہنگی ترین عمارات٬ لاگت ہوش اڑا دے

آپ اکثر اپنے اردگرد خوبصورت اور منفرد عمارات دیکھتے رہتے ہیں جو کہ نہ صرف بیرونی طور پر پرکشش ہوتی ہیں بلکہ اندرونی طور پر بھی انتہائی اعلیٰ تزئین و آرائش کی حامل ہوتی ہیں- تاہم دنیا میں چند عمارات ایسی بھی ہیں جن کی تعمیر پر ایک شاہانہ بجٹ خرچ کیا گیا ہے جس کے ساتھ ہی انہیں دنیا کی مہنگی ترین عمارات ہونے کا اعزاز حاصل ہوچکا ہے- یہ عمارات خوبصورت ہونے کے ساتھ ساتھ انتہائی جدید بھی ہیں اور متعدد پرتعیش سہولیات سے آراستہ ہیں- آج کے آرٹیکل میں ہم آپ کو دنیا کی سب سے مہنگی ترین عمارات کا احوال بتائیں گے-
 

BURJ KHALIFA
دبئی میں واقع برج خلیفہ دنیا کی سب سے بلند ترین عمارت ہے- اس عمارت کی لمبائی 2722 فٹ ہے- یہ دبئی کی سب سے مہنگی ترین عمارت بھی ہے- سال 2009 میں مکمل ہونے والی اس عمارت کی تعمیر پر 1.5 بلین ڈالر کی لاگت آئی-

SEAT OF THE EUROPEAN CENTRAL BANK
یہ ایک بینک کی عمارت ہے جو کہ فرینکفرٹ میں واقع ہے- چند مسائل کے سبب اس عمارت کی تعمیر پر اندازوں سے زیادہ رقم خرچ ہوئی- اس عمارت کی تعمیر سال 2013 میں مکمل ہوئی اور اس تعمیر پر آنے والی مجموعی لاگت 1.6 بلین ڈالر تھی-

PETRONAS TOWERS
کولالمپور میں یہ جڑواں ٹاور واقع ٹاور سال 1998 سے 2004 تک دنیا کے بلند ترین ٹاور تھے- انہیں آرکیٹکچر Cesar Pelli نے ڈیزائن کیا تھا- 90 کی دہائی اختتام پر تعمیر ہونے والے ان ٹاور کی تکمیل پر 1.2 بلین ڈالر کی رقم خرچ ہوئی تھی-

WEMBLEY STADIUM
لندن میں واقع یہ دنیا کے پہلا ایسا اسٹیڈیم ہے جس کی تعمیر پر 1 بلین ڈالر سے زائد کی رقم خرچ ہوئی- سال 2006 میں مکمل ہونے والے اس اسٹیڈیم کی تعمیر 1.5 بلین ڈالر میں مکمل ہوئی- یہاں 90 ہزار افراد کے بیٹھنے کی گنجائش موجود ہے-