خوفناک حادثات کا سامنا کرنے والے مشہور پاکستانی فنکار

سڑک پر رونما ہونے والے حادثات ہماری روزمرہ زندگی کا حصہ ہیں- لیکن بعض اوقات یہ حادثات خوفناک بھی ثابت ہوجاتے ہیں اور ان کا شکار بننے والے افراد جان کی بازی ہار جاتے ہیں- ایسے ہی خوفناک حادثات کا شکار چند مشہور پاکستانی فنکار بھی بن چکے ہیں-
 

Ayesha Omar and Azfar Rehman
مشہور پاکستانی اداکارہ عائشہ عمر اور اداکار اظفر رحمان کراچی سے حیدرآباد کی جانب سفر کرتے ہوئے حادثے کا شکار ہوئے- یہ خوفناک حادثہ کراچی سپر ہائی وے پر ان شخصیات کی گاڑی گرنے کی وجہ سے پیش آیا- اس حادثے میں عائشہ عمر کو متعدد فریکچر کا سامنا کرنا پڑا جبکہ اظفر رحمان کی بھی کندھے کی ہڈی ٹوٹ گئی- ان دونوں کی مکمل صحتیابی میں کافی وقت لگا-

Moomal Khalid
نوجوان پاکستانی فنکارہ مومل خالد کی گاڑی اس وقت ایک دوسری گاڑی سے جاٹکرائی جب وہ اپنے منگیتر شاہ زیب مگسی کے ساتھ سفر کر رہی تھیں- اس خوفناک حادثے کے نتیجے میں شاہ زیب مگسی کی موت واقع ہوگئی جبکہ مومل خالد بھی شدید زخمی ہوگئیں-

Nimra Khan
نمرہ خان بھی ایک کار حادثے کے نتیجے میں بری طرح زخمی ہوئیں- اس حادثے ان کی گاڑی ایک جیپ سے ٹکرا کر تباہ ہوگئی جبکہ خود نمرہ خان کی ایک ٹانگ بھی ٹوٹ گئی-

Hareem Farooq
پاکستان کی ابھرتی ہوئی فنکارہ حریم فاروق بھی لاہور میں روڈ ایکسیڈینٹ کا شکار بن چکی ہیں- اس حادثے میں حریم کا بایاں ہاتھ بری طرح ٹوٹ گیا تھا-