|
پاکستان کو سرکاری سطح پر اسلامی جمہوریہ پاکستان کے نام
سے جانا جاتا ہے- پاکستان دنیا کا چھٹا سب سے بڑی آبادی والا ملک ہے جس کی
آبادی 212 ملین سے زائد افراد پر مشتمل ہے- یہ دنیا کا 36واں سب سے بڑا ملک
بھی ہے- تاہم یہ تو چند ایسی بنیادی باتیں ہیں جن سے ہر تقریباً ہر
پاکستانی واقف ہے- لیکن ہم پاکستان سے متعلق جو حقائق آج آپ کے سامنے پیش
کرنے جارہے ہیں ان سے پاکستانیوں کی ایک بڑی اکثریت ناواقف ہے-
|
|
|
آپ کو یہ جان کر حیرت ہوگی ملکہ برطانیہ الزبتھ دوئم 1956 تک پاکستان کی
ملکہ بھی تھیں-
|
|
|
پاکستان کی قومی ائیر لائن پی آئی اے 23 اکتوبر 1946 میں قائم کی گئی تھی
اور اس وقت اسے Orient Airways کے نام سے جانا جاتا تھا- 10 جنوری 1955 کو
اسے قومی ائیر لائن کا درجہ دیا گیا-
|
|
|
پاکستان ایک قدیم ترین تہذیب کا بھی مالک ہے جسے مہر گڑھ کے نام سے جانا
جاتا ہے- اس تہذیب کی تاریخ 6 ہزار سال قبلِ مسیح سے جا ملتی ہے-
|
|
|
دنیا کے سب سے کم عمر سول جج کا اعزاز بھی ایک پاکستانی جج کے پاس ہے- محمد
الیاس صرف 20 سال اور 9 ماہ کی عمر میں جج بنے تھے-
|
|
|
دنیا کا واحد زرخیز صحرا بھی پاکستان میں واقع ہے اور اسے ہم تھرپاکر صحرا
کے نام سے جانتے ہیں-
|
|
|
ایک سروے کے مطابق پاکستان کے قومی ترانے کی دھن دنیا کے سب سے سرفہرست
ترانوں میں سے ایک ہے- پاکستان کے قومی ترانے کا دورانیہ 80 سیکنڈ ہے-
|
|
|
دنیا کا سب سے طویل ترین گلیشیر سسٹم بھی پاکستان میں پایا جاتا ہے جسے
بیافو گلیشیر کے نام سے جانا جاتا ہے-
|
|
|
پاکستان دنیا کا دوسرا سب سے بڑی مسلم آبادی والا ملک ہے- اس حوالے سے پہلے
نمبر پر انڈونیشیا ہے-
|
|
|
سلور اسٹالون کی مشہور زمانہ فلم ریمبو تھری پاکستان
میں فلمائی گئی تھی-
|
|
|
شلوار قمیض پاکستان کا قومی لباس ہے جسے پاکستانی 80 سے 90 فیصد آبادی
پہنتی ہے-
|