گزشتہ ہفتے کا پاکستان انتخابات کے نام

گزشتہ ہفتے پاکستان میں انتخابات کی گہما گہمی رہی اور ہر چیز پر انتخابات چھائے رہے۔ انتخاب کے بعد اب حکومت سازی کی سرگرمیاں نظر آ رہی ہیں۔ گزشتہ ہفتے کی چند نمائندہ تصاویر۔

گزشتہ ہفتے کا پاکستان میں انتخابات کی گہما گہمی رہی جس میں کرکٹ سے سیاست کے میدان میں آنے والے عمران خان کی پارٹی سب سے بڑی پارٹی کی شکل میں سامنے آئی۔ یہاں چاچا نورالدین کو دیکھا جا سکتا ہے جو پاکستان کے متوقع وزیر اعظم عمران خان کے لیے جوتے بناتے ہیں۔

عمران خان کی پارٹی پاکستان تحریک انصاف کے علاوہ تمام سیاسی جماعتوں میں انتخابات میں دھاندلیوں کا الزام لگایا ہے۔ یہاں مسلم لیگ (نون) کے حامیوں کو احتجاج کرتے ہوئے دیکھا جا سکتا ہے۔

انتخابات میں جیت کے اعلان سے پہلے رجحانات کے آتے ہی عمران خان کی پارٹی کے حامیوں نے جشن منانا شروع کر دیا جس پر ان پر تنقید بھی کی گئی۔

حزب اختلاف کے رہنماؤں نے انتخابات کے نتائج کو مسترد کرنے کا اعلان کیا۔ بعض جماعتوں نے تو یہاں تک کہا کہ ان کے کامیاب امیدوار حلف نہیں لیں گے اور وہ دوبارہ انتخابات کے لیے مہم چلائيں گے۔

پاکستان سمیت دنیا بھر میں دنیا بھر میں لوگوں نے اکیسویں صدی کے طویل ترین اور ’خون رنگ‘ کہلانے والے چاند گرہن کا نظارہ کیا۔

لاہور میں جمیعت علمائے اسلام نے متوقع وزیر اعظم عمران خان کو مسترد کرتے ہوئے جلوس نکالا۔ اس موقعے پر وہ بینر اٹھائے ہوئے تھے۔

پاکستان کے عام انتخابات میں دولت مشترکہ کے مبصرین گروپ کو انتخابات کی شفافیت پر نظر رکھنے کی اجازت دی گئی تھی۔ یہاں نائیجیریا کے عبدالسلام اے ابوبکر کو اسلام آباد میں ایک پریس کانفرنس سے خطاب کرتے دیکھا جا سکتا ہے۔