پکی دوستی

(Maryam Arif, Karachi)

تحریر: انس رسول
ایک دفعہ کا ذکر ہے ایک گاؤں میں دو دوست رہتے تھے جن کا نام عدن اور ایان تھا۔ ان کی دوستی بہت پکی تھی۔ دونوں مشکل وقت میں ایک دوسرے کا ساتھ دیتے تھے۔ ایک دن وہ کام سے واپسی پر اپنے گھر جا رہے تھے کہ راستے میں انہیں ایک کاغذ ملا۔ جب انہوں نے وہ کاغذ اٹھا کر دیکھا تو پتہ چلا وہ ایک خزانے کا نقشہ ہے۔ عدن نے وہ نقشہ اپنی جیب میں رکھا اور وہ اپنے اپنے گھر چلے گئے۔ اگلے دن وہ دونوں خزانے کی تلاش میں نکلے اور نقشے کے حساب سے چلتے رہے۔ دو دن تک مسلسل چلنے کے بعد وہ غار کے قریب پہنچے اور نقشہ دیکھا تو معلوم ہوا کہ خزانے کا راستہ غار میں جا رہا تھا۔ وہ دونوں غار میں چلے گئے۔ کچھ دیر بعد انہیں ایک دروازہ نظر آیا۔ جیسے ہی انہوں نے وہ دروازہ کھولا اندر سے ایک خوف ناک ڈریگن نکلا۔ پہلے تو وہ اسے دیکھ کر ڈر گئے لیکن پھر دونوں دوستوں نے ایک دوسرے کا ہاتھ پکڑ لیا اور مل کر اس ڈریگن سے لڑنے کا فیصلہ کیا کیوں کہ وہ ہر مشکل وقت میں ایک دوسرے کا ساتھ دیتے تھے۔ ڈریگن خزانے کی رکھوالی کرتا تھا، اچانک عدن کی نظر دیوار پر پڑی۔ وہاں دو تلواروں لٹک رہی تھیں۔ دونوں نے ایک ایک تلوار اٹھائی اور ڈریگن سے لڑنا شروع ہو گئے۔ ان کی دوستی مضبوط اور نیت صاف تھی۔ اﷲ تعالٰی نے ان کی مدد کی۔ دونوں دوست بڑی بہادری سے لڑے اور ڈریگن کا سر کاٹ دیا۔ انہوں نے خزانہ اٹھایا اور چلے گئے۔ کچھ دنوں بعد جب وہ گھر پہنچے تو انہوں نے وہ رقم آدھی آدھی بانٹ لی۔ انہوں نے اس رقم کو اچھے کاموں میں استعمال کیا اور خوشی خوشی زندگی گزارنے لگے۔

Comments Print Article Print
 PREVIOUS
NEXT 
About the Author: Maryam Arif

Read More Articles by Maryam Arif: 1226 Articles with 498963 views »
Currently, no details found about the author. If you are the author of this Article, Please update or create your Profile here >>
29 Aug, 2018 Views: 921

Comments

آپ کی رائے