| چائے کی پتی سے کھاد کی تیاری تک: نیسلے ایوری ڈے کو زرعی پیداوار بڑھانے کے لئے دیرپاحل کے لئے پارٹنرز کی تلاش، نئے منصوبے کا مقصد استعمال شدہ پتی سے کم قیمت اور موثر کھاد بنا کر کسان کو معاشی پریشانیوں سے آزاد کرنا ہے تاکہ وہ زمین کی بہتر خدمت کرنے کے قابل ہوسکے۔ |
نیسلے کا اوپن انوویشن پلیٹ فارم، ”ہینری نیسلے“ (open innovation Platform HENRi@Nestle, Nestle's) اور پاکستان کا سب سے بڑا ٹی کریمر نیسلے ایوری ڈے، چائے کی ضائع شدہ پتی بچا کر زرعی پیداوار بڑھانے کے لئے پارٹنرز تلاش کررہے ہیں تاکہ پاکستان کے کسانوں کے لئے ایک ماحول دوست، سستی اور قدرتی کھاد بنائی جاسکے۔ |
پاکستان میں ہر سال 100 ارب سے زیادہ چائے کے کپ استعمال ہوتے ہیں جس سے سالانہ دو لاکھ ٹن استعمال شدہ پتی بنتی ہے۔ چائے کی پتی میں نائٹروجن، فاسفورس اور پوٹاشیم پایا جاتا ہے اور یہی وہ تین بڑے عناصر ہیں جو ایک معیاری کھاد کا جزو سمجھے جاتے ہیں۔ یہ تینوں عناصر مٹی کو زرخیز بنانے کے ساتھ نہ صرف زمین میں نمی کو برقرار رکھتے ہیں بلکہ زمین کا آکسیجن لیول بھی بڑھادیتے ہیں۔ |
اسی نظریے کے ساتھ نیسلے ایوری ڈی استعمال شدہ چائے کی پتی کو بروئے کار لاکر ایک جدید اور منفرد پراڈکٹ بنانے کے لئے پارٹنرز کی تلاش میں ہے، خواہ وہ نئے کام کرنے والے ہوں، جدت پسند محققین ہوں، ویسٹ مینجمنٹ کمپنیاں یا کوئی اور کارپوریٹ پارٹنر ہوں۔ |
یہ منصوبہ تین مرحلوں پر مشتمل ہوگا۔ پہلے مرحلے میں استعمال شدہ پتی کے حصول کا طریقہ کار دریافت کیا جائے گا۔ دوسرے مرحلے میں نیسلے ایوری ڈے کسی پارٹنر سے اشتراک کرکے حاصل شدہ پتی کو کھاد میں تبیل کرے گی۔ جسے مزید موثر بنانے کے لئے، اگر ممکن ہوا تو، کمپوزٹنگ پراسس (composting process) کو استعمال میں لایا جائے گا۔ جبکہ تیسرے مرحلے میں اسے مارکیٹ میں لایا جائے گا، جہاں یہ مقامی کسانوں کے لئے ایک کم قیمت، موثر
اور ماحول دوست پراڈکٹ کے طور پر فروخت ہوگا۔ |
اس منصوبے کا آغاز پاکستان سے کیا جائے گا جہاں زراعت سب سے بڑا شعبہ ہے اور زمین کا 47% حصہ زرعی پیداوار کے لئے استعمال کیا جاتا ہے۔ بعدازاں یہ پراجیکٹ چائے کی قریبی بڑی منڈیوں مثلاً چین اور بھارت میں بھی پھیلایا جائے گا۔ |
اس سلسلے میں ٹی انہانسمنٹ اور اوپن انوویشن لیڈ (Tea Enhancement and Open Innovation Lead) نیسلے پاکستان کے مارکیٹنگ منیجر، محمد فہد کا کہنا ہے کہ، ”بطور کمپنی ہمارا مقصد صرف یہ نہیں ہے کہ صارف کا ہمارے پراڈکٹ کے ساتھ تجربہ کیسا رہا بلکہ یہ ہے کہ ہم جس دنیا میں رہ رہے ہیں اور جس معاشرے میں کام کررہے ہیں اس پر کیا اثرات مرتب کررہے ہیں۔ ہم جانتے ہیں کہ یہ ہمارے پاس ایک شاندار موقع ہے جس سے ہم استعمال شدہ چائے سے مخلوط پراڈکٹ بنا کر لاکھوں کی زندگیوں اور ان کے روزگار پر مثبت اثرات مرتب کرسکتے ہیں۔ اسی لیے ہم اشتراک کے لیے پارٹنرز تلاش کررہے ہیں تاکہ زیرو ویسٹ اور ماحول دوست مصنوعات بنا کر دنیا بھر کی زرعی پیداوار میں اضافہ کیا جاسکے۔“ |
نیسلے کے گلوبل انوویشن ڈائریکٹر گیرارڈومازیو (Gerardo Mazzeo, Global Innovation Director)نے کہا کہ، ”ہم قابل اور تخلیقی پارٹنرز تلاش کررہے ہیں تاکہ اس مقصد کو پایہ تکمیل تک پہنچایا جاسکے۔ یہ ایک ایسا دیر پا حل ہے جو نہ صرف ماحول کی حفاظت کرے گا بلکہ آنے والے تمام سالوں کو زیادہ سرسبز اور زیادہ صاف بنانے میں مدد دے گا۔ اس کے ساتھ ساتھ یہ کسانوں کے لیے ایک سستا اور موثر حل ہوگا۔ جس سے وہ اپنی معاشی پریشانیوں کو بالائے طاق رکھ کر زمین کے لیے بہترین خدمات سرانجام دے سکیں گے۔ ایسے ہی اقدامات ہینری کے مقاصد (لوگوں پر، معاشرے پر اور اس پوری دنیا پر مثبت اثرات) کی شاندار مثال ہیں۔ اس سلسلے میں مزید معلومات دیے گئے لنک سے حاصل کی جاسکتی ہیں۔ |
ہینری نیسلے: |
ہینری نیسلے ایک اوپن انوویشن پلیٹ فارم ہے جس کے توسط سے نیسلے برانڈ اور بزنس چیلنجز سے نمٹنے کی غرض سے نئے، جدید او رموثر حل نکالنے کے لیے مختلف کمپنیوں کے ساتھ اشتراک کرتی ہے۔ یہ پلیٹ فارم نیسلے کے ایک بڑے اور جدید اقدامات کے لیے بنائے گئے گروپ ”نیکسٹ“ کا حصہ ہے۔ یہ نیسلے کے بانی ہینری نیسلے کے نام پر بنایا گیا ہے۔ جو پہلے منتظم تھے جنہوں نے اس معاشرے کے مسائل اور ضرورتوں کو مدنظر رکھا جہاں وہ رہ رہے تھے۔ |
ہینری پلیٹ فارم مصنوعات کی جدت، نئے اقدامات اور تخلیقی برانڈ مہم کے لیے مختلف کمپنیوں کو نیسلے سے اشتراک کی دعوت دے کر حقیقی کاروباری مواقع دیتا ہے۔ منتخب کردہ کمپنیوں کو اپنی مصنوعات لوگوں اور خاندانوں تک لانے کے لیے پچاس ہزار ڈالر اور اہم کاروباری مواقعے فراہم کیے جاتے ہیں۔ تنظیم کار کے لیے یہ کام محض ایک کلک کے فاصلے پر ہے۔ ایسے کسی بھی پراجیکٹ پر کام کرنے کے لیے henri.nestle.com |