|
حال ہی میں کویت میں ایک مچھلی فروخت کرنے والی دکان کو
اس وقت حکومت کی جانب سے سیل کردیا گیا جب یہ انکشاف ہوا کہ جب فروخت کے
لیے مچھلیوں کو تازہ دکھانے کے لیے انہیں پلاسٹک کی آنکھیں لگائی جاتی ہیں-
|
|
|
|
دکان کے مالکان کے خلاف یہ ایکشن اس وقت لیا گیا جب گزشتہ ہفتے سوشل میڈیا
پر ایسی مچھلی کی تصاویر وائرل ہوگئیں جسے پلاسٹک کی آنکھیں لگا کر فروخت
کیا گیا تھا مگر اچانک مصنوعی آنکھ واپس نکل گئی اور نیچے سے اصلی زرد آنکھ
ظاہر ہوگئی-
متعدد سوشل میڈیا صارفین کی جانب سے مچھلی فروشوں کی اس دھوکہ دہی کی سخت
مذمت کی گئی اور ساتھ ہی حکام سے مطالبہ بھی کیا گیا کہ ان دھوکے بازوں کو
گرفتار کے بھاری جرمانہ عائد کیا جائے-
اس سب کی شروعات اس وقت ہوئی جب Ayman Mat نامی فیس بک صارف نے مچھلی دھونے
کی ویڈیو پوسٹ کی- مچھلی دھونے کے عمل کے دوران ہی مچھلی کی مصنوعی آنکھ
اچانک باہر آجاتی ہے-
|
|
|
اس ویڈیو کو ہزاروں صارفین نے دیکھا اور اس پر متعدد مضحکہ خیز تبصرے بھی
کیے گئے- لیکن کویتی حکام نے اس معاملے پر سنجیدگی کا مظاہرہ کرتے ہوئے اس
دھوکے بازی میں ملوث دکان کے خلاف کاروائی شروع کردی- |