عمر ماروی

(Urdu And Punjab, )

کوئل کی کوک سے جیسے کوئی، ہوک، اٹھی ہو،
ایسی آواز تھی بانسری کے
، سر، میں اور یہ آواز پہنچ چکی تھی ماروی کے کانوں میں،
وہ سمجھ گئی تھی کہ اس کا منگیتر، کھیت، اس کا منتظر ہے، اس سوچ نے اس کے ہاتھوں میں پھرتی بھر دی،دہی کو، مدھانی سے نکال کر مٹی کے برتن میں کر کے باورچی خانے میں ڈھک کر رکھا،
اور دبے پاؤں اپنے کچے مکان سے باہر قدم رکھا،
اور لپک جھپک پرانے کنویں کا رخ کیا،
اسے آتا دیکھ کر کھیت کی آنکھوں میں قندیلیں روشن ہو گئیں۔
ماروی شرارتی مسکراہٹ کے ساتھ اس کے پہلو میں بیٹھ گئی سرگوشی میں دنیا جہاں کی باتیں کرتے کرتے وقت گزرنے کا پتہ بھی نہ چلا شام کے سائے گہرے ھونے لگے تو ماروی نے واپسی کا قصد کیا،
دونوں مختلف راستوں سے اپنے گھروں کو روانہ ہوئے،
سردار، عمر سومرو کی حویلی کے سامنے سے گذرتے ماروی کا سامنا، سانول، سے ہوا ایک نمبر کا لفنگا اور سردار سومرو کا خاص ملازم،
آج تو حد کردی اس نے ماروی کا ہاتھ پکڑ لیا اور عامیانہ پن دکھانے لگا،
ماروی نے آؤ دیکھا نہ تاؤ اور ایک تھپڑ رسید کر دیا سانول کے منہ پر اور یہ تھپڑ سانول کے دل پر اثر چھوڑ گیا،
اس نے ماروی سے بدلہ لینے کی ٹھانی اور ایک گھناؤنا کھیل شروع کر دیا،
ضلع عمرکوٹ کے سومرو قبیلے کا سردار بلا کا عاشق مزاج اور حسن پرست تھا۔
سانول نے عمر سومرو کے سامنے ماروی کے حسن کے ایسے قصیدے پڑھے اور اس کے آتش شوق کو ایسا بھڑکایا کہ اک دن سردار عمر سومرو پانی بھرتی ماروی کے سامنے اکھڑا ہوا،
اور سانول کی بات کا قائل ھو گیا،
اس نے اسی لمحے دل کے ہاتھوں مجبور ہوکر ماروی کو شادی کی پیشکش کی،ماروی کا کورا انکار سن کر زبردستی اسے اغوا کر کے اپنی حویلی لے آیا،
اور اس کو ایک کمرے میں قید کردیا،
پورا ایک سال اس نے ماروی کو اپنی قید میں رکھا اسے ہر طرح کا لالچ دے کر آزمایا،مگر ماروی کی نہ ہاں میں نہ بدل سکا،
وہ اپنے گاؤں اپنے باپ ماں اور کھیت کی محبت میں ہر وقت روتی رہتی کھانا پینا چھوڑ دیا اس نے اور پھر ایک دن اسکا گیت سن کر عمر نے اسے، باعزت، رہا کردیا، وہ گیت یہ تھا کہ،
اے کاش تر کردیں
اس پیاسے صحرا کو
یہ آنسو میرے
جہاں تکتی رہتی ھیں
دو آنکھیں راہ میری
مولا میری مٹی کو ملا دے
وطنِ کی مٹی میں میری
وہ گاؤں میرا جہاں
رہتی ہے ماں میری
وہ وطن میرا وہ مٹی میری،
یہ الفاظ سن کر عمر کا دل دہل گیا،
اور یوں وہ رہا ھو گئ
اسے ماں نے سینے سے لگا لیا کوئی سوال نہ پوچھا،
باپ نے منہ موڑ لیا، بھائی خون کے پیاسے ھوگے،
خاموش تھا تو صرف کھیت، اور اس کی خاموشی ہولا رہی تھی،ماروی کو،اور پھر کھںت کی خاموشی ٹوٹ گئی پنچایت کے فیصلے میں،
اس نے ماروی کو پاکدامن ثابت کر دیا،
اپنے ایک جملے سے،
ماروی کا نہ ہی تن میلا ہوا ہے نہ من وہ میری تھی میری ھے اور میری رہے گی،
میں شادی کروں گا ماروی سے اور کھیت کے یہ الفاظ ماروی کو معتبر کر گئے،
شادی کی رات، عجلہ عروسی، میں بیٹھ کر ماروی عجیب و غریب سے احساسات میں گھری ہوئی تھی،
اس کے کانوں میں ساری آوازیں گڈ مڈ ھو رہی تھیں،
سانول کی آواز، میں تجھے منہ دکھانے لایق نہیں چھوڑو نگا،
سر پنچوں کی آواز، کاری کرو اسے، کاری ھے یہ بد چلن ھے یہ مار ڈالو اسے مار ڈالو،
بھائی کی نفرت میں ڈوبی آواز اس سے کہنا آج کے بعد اپنی شکل نہ دکھائے مرگئ ھے ھماری بہن،
اتنی ساری آوازیں گڈ مڈ ھوگہں، یکایک اسے یہ خیال آیا اگر کبھی جو کھیت بھی مجھ سے بدگماں ہو گیا اور اس کو بھی مجھ سے نفرت ہوگئی تو؟؟؟؟؟؟
اور اس کے بعد اس کی سانسوں کی ڈوری الجھ گئی،
دم توڑتی سانسوں کے درمیان اس نے ذرا کی ذرا آنکھ کھولی تو خود کو کھیت کے بازؤں میں پایا،
ماروی میری جان کیا ھوا تمھیں آنکھیں کھولو اور مجھے دیکھو،
مجھے چھوڑ کر نہ جاؤ ماروی مجھے بھی اپنے ساتھ لے چلو میں کیا کرونگا اس ظالم دنیا میں،
اور پھر چشم فلک بھی رو پڑی،،،،، جب دو جنازے ایک ساتھ اٹھے،،،، اس رات بارش کے آنسوؤں سے صحرائے تھر جل تھل ہوگیا،
یہ سب سن کر سردار عمر سومرو اپنے ہوش و حواس کھو بیٹھا اور دیوانہ وار ضلع عمرکوٹ کی گلیوں کی خاک چھانتا پھرتا،
کچھ عرصہ بعد اسکی لاش اسی پرانے کنویں کے پاس سے ملی جہاں ماروی اور کھیت پیار بھری باتیں کرتے تھے،
اور ہوں ایک المناک داستان عشق اپنے درد ناک انجام کو پہنچی،
کوئی محبت میں امر ہوگیا اور کوئی واصل جہنم،
وادی مہران اپنی وطن پرست بیٹی کو آج بھی اپنی بانہوں میں سمیٹے ہوئے ہے،
صائمہ سید کراچی۔

Rate it:
Share Comments Post Comments
Total Views: 599 Print Article Print
About the Author: Urdu And Punjab

Read More Articles by Urdu And Punjab: 3 Articles with 1727 views »
Currently, no details found about the author. If you are the author of this Article, Please update or create your Profile here >>

Reviews & Comments

Language: