|
" اس دفعہ تو آپا نے ہمارے ہاں بہت دنوں سے چکر نہیں
لگایا ". شائستہ ساس کو چاۓ دینے آئی تو پوچھ بیٹھی .
" ہاں بہت دن ہو گئے ہیں ورنہ ہفتے میں ایک چکر تو لگا ہی لیتی تھی ".
فریدہ بیگم نے بھی اسکی بات کے جواب میں کہا تھا .
" آپ فون کر کے معلوم کر لیں ' شاید طبیعت ناساز ہو انکی ." شائستہ نے
مشورہ دیا تو وہ سر ہلا کر رہ گئیں .
" ہاں ' یہ ٹھیک ہے ' ابھی معلوم کرتی ہوں ." فریدہ بیگم نے اسی وقت اپنی
بڑی بیٹی کو فون ملایا تھا .
" اسلام علیکم امی ." پانچویں گھنٹی پر فون اٹھا لیا گیا تھا .
" زریں ! کہاں ہو . ہفتے سے اوپر ہو گیا ' تمہیں ماں سے ملے سسرال جا کر
ماں کو بھول گئی کیا ؟ فریدہ بیگم نے اس کے فون اٹھاتے ہی شکوہ کیا تھا .
وہ جوابا چند منٹ خاموش رہی پھر بولی .
" امی آذر جاب کی وجہ سے باہر چلے گئے ہیں ' پیچھے بچے ہیں . اب ان کو
اکیلا کھوے کر کہاں آ سکتی ہوں ." وہ حسب عادت دھیمے لہجے میں بولی تھی .
" کہاں گیا ہے آذر ؟" فریدہ بیگم نے پوچھا .
" دبئی گئے ہیں ' چند ہفتوں کے لئے ." اس نے بتایا .
" تو تمہیں اور بچوں کویہاں چھوڑ جاتا ." فریدہ بیگم نے جوابا کہا .
" امی آپکو پتا تو ہے انکا ." اب کی بار فریدہ بیگم خاموش سی ہو گئی تھیں .
" اچھا ٹھیک ہے ' میں فون رکھتی ہوں ." کہ کر فریدہ بیگم اے فون بند کر دیا
.
" کیا کہہ رہی ہیں آپا ." بات ختم ہوتے ہی شائستہ نے پوچھا .
" ہوں ' ٹھیک ہے . کہ رہی تھی کہ آزر چند ہفتوں کے لئے دبئی گیا ہے تو وہ
گھر میں مصروف ہے ." |