Bachpan Kai Din...

(Noorinshafa, GILGIT)

Bismillahi Rehman E Raheem

Aaj Aik Munfaridh Sawaal Jo Mai Padhny Walon Sai Karna Chahti Hu Gou Kai Is Sawaal Ki Koe Haqeeqat Yai Phir Karny Ka Koe Ziyada Faida Nhi Magar Is Kai Bawajud Bhe Chahti Hu Kai Aap Apny Aap Sai Aik Baar Zaroor Puchy Aor Dakhy Kai Aap Ko Is Sawaal Ka Kya Jawaab Milta Hai .Wo Sawaal Yai Hai Kai Agr Aap Ko Bilfarz Kai “Aladeen Ka Cheeraagh”Mil Jaye Aor Aap Kai Ikhtiyaar Mai Ho Kai Aap Apni Koe Aik Sub Sai Aham Dili Khuwahish Ko Haqeeqat Ka Jama Pehnasakty Hain Tu Wo Khuwahish Kiya Hogi?

Is Sawaal Kai Jawabaat Aap Sub Padhny Walon Kai Yaqeenan Aik Dosry Sai Mukhtalif Hongy Jin Ka Andaza Mai Nhi Laga Sakti, Han Albatta Mujhy Is Baat Ka Zaroor Ilm Hai Kai Is Sawaal Kai Jawaab Ma Mai Na Apni Konsi Sub Sai Aham Khuwaahish Ko Samny Rakha.Is Sawaal Kai Jawaab Mai Mary Dil O Dimaagh Kai Baaham Itfaaq Sai Jis Khuwaahish Nai Sub Sai Pahly Dastak Di Wo Koe Aalishaan Mehel.Chamchamaati Hue Gaadiyan,Doolat O Shohrat Nhi Balki Apny Bachpan Kai Sub Sai Sunehry Dinon Ko Dobara Paany Ki Khuwahish The.Insaan Chahy Jitna Bhe Dolat Kamaaly,Uos Kai Aagy Peechy Mulazimon Ki Rail Pail Ho,Apni Tamaam Khuwahishon Ko Chutkiyan Bajaty Sath Hi Pura Karny Ki Heysiyat Rakta Ho Lakin Jo Dili Sakun Aor Khushi Bachpan Kai Dinon Kai Sath Waabasta Hoti Hai Us Sakoon Aor Khushi Ko Wo Apni Puri Doolat Lutaakar Bhe Haasil Nhi Karpaa Sakta.Bachpan Ka Door Har Insaan Ki Zindagi Ka Sub Sai Khubsurat Door Hota Hai Jub Insaan Zindagi Ki Talkh Haqaaiq Sai Anjaan Apny Aap Mai Magan Hokar Apny Masoomiat Sai Bharpoor Choty Choty Khuwahishon Ko Pura Karky Apni Zindagi Ko Khushiyon Sai Bhar Daita Hai.Bachpan Zindagi Ka Wo Paakiza Door Hota Hai Jis Door Mai Insaan Hasad,Bugzh,Keena,Nafrat Jasy Tamaam Gunahon Aor Baatini Beemariyon Sai Dur Garz Kai Har Tarah Kai Aaybon Sai Paak Waqeeyatan Farishton Ki Si Sifaat Sai Hamkanaar Hota Hai.Bachpan Kai Khubsurat Yaadain Tu Us Rang Barangay Phulon Sai Ladain Huen Guldasty Ki Tarha Hoti Hai Jis Ki Yaadon Ki Mehek Insaan Ko Marty Dam Tak Mehsus Hoti Rehti Hai Aor Jis Ki Khushbu Mai Guzarty Huay Waqt Kai Sath Koe Kami Mehsus Nhi Hoti.Waqt Tu Guzar Jata Hai Aor Peechy Sirf Aor Sirf Achy Aor Bury Yaadain Reh Jati Hain Jo Kai Insaan Kai Nazdeek Sarmaye Ki Si Heysiyat Rakhti Hai Aor Isi Sarmaye Mai Sai Sub Sai Khubsurat Hissa Bachpan Kai Yaadon Pai Mubni Hota Hai.Jub Insaan Bachpan Ki Dehleez Paar Karky Umar Si Seediyan Chadny Lagta Hai Tu Usy Apny Guzry Huay Waqt Yaani Kai Bachpan Ki Qeemat Ka Andaza Hony Lagta .Phir Apni Akhri Saan Tak Bachpan Ka Pura Door Aik Khubsurak Khuwab Ki Tarha Insaan Kai Zehnon Mai Gardish Karta Rehta Hai…
 

Comments Print Article Print
 PREVIOUS
NEXT 
About the Author: Noorinshafa

Read More Articles by Noorinshafa: 19 Articles with 7511 views »
Currently, no details found about the author. If you are the author of this Article, Please update or create your Profile here >>
09 Jul, 2019 Views: 387

Comments

آپ کی رائے