کینیڈا نے پاکستانی طلبا کے لیے اسٹڈی ویزا آسان کردیا

کینیڈا نے پاکستانی طلبا کے لیے اسٹڈی ویزا آسان کردیا اور پاکستان کو اسٹڈی پرمٹ پروگرام شامل کرلیا ، جس سے پاکستانی اسٹوڈنٹس کم مدت میں اسٹڈی پرمٹ حاصل کرسکیں گے۔
 

تفصیلات کے مطابق کینیڈا میں اعلیٰ تعلیم حاصل کرنے کے خواہش مند پاکستانی طلبا کیلئے خوشخبری آگئی، کینیڈا نے پاکستانی طلبا کے لیے اسٹڈی ویزا آسان کردیا۔

نوائے وقت کے مطابق اب پاکستانی اسٹوڈنٹس کم مدت میں اسٹڈی پرمٹ حاصل کرسکیں گے، ڈائریکٹ اسٹریم پروگرام کے تحت اب یہ اسٹڈی ویزہ حاصل کیا جا سکے گا۔

کینیڈا کے وزیر امیگریشن احمد حسین نے سماجی رابطے کی ویب سائٹ ٹوئٹر پر کہا اسٹڈی پرمٹ پروگرام میں ابتدا میں چین، بھارت ، فلپائن اور ویتنام سے تعلق رکھنے والے طلبا کو شامل تھے، تاہم اب اس فہرست میں پاکستانی طلبا کو بھی شامل کیا گیا ہے۔
 

🇨🇦 is a global leader in attracting the world's best and brightest.

International students are contributing to our economy, enhancing our people to people ties, and growing our academic capital.

That's why we are expanding our Student Direct Stream program to Pakistan. 🇨🇦🇵🇰 pic.twitter.com/jncqq2tDW9

— Ahmed Hussen (@HonAhmedHussen) July 26, 2019

احمد حسین کا کہنا تھا کہ حکومت کی جانب سے یہ فیصلہ غیر ملکی طلبا کی جانب سے بڑی تعداد میں موصول ہونے والی درخواستوں پر کیا گیا۔

کینیڈا میں تعینات پاکستانی ہائی کمشنر رضا بشیر تارڑ نے پاکستانی طلبا کے لیے اسٹڈی ویزہ آسان بنانے کے فیصلے کا خیر مقدم کرتے ہوئے کہا نئے ویزہ پالیسی کے تحت پاکستانی طلباء تمام ضروری دستاویزات فراہم کرنے کے بعد 20 دن میں ویزہ حاصل کر سکیں گے۔

پاکستانی ہائی کمشنر رضا بشیر تارڑ نے کینیڈین حکومت اور امیگریشن منسٹر احمد حسین کی کاوشوں کو سراہا۔

پاکستانی ہائی کمشنر نے کینیڈین اعلیٰ حکام سے ملاقات میں پاکستان کو اسٹوڈنٹ ڈائریکٹ اسٹریم پروگرام میں شامل کرنے کی درخواست کی تھی۔

خیال رہے کینیڈا رقبے کے لحاظ سے دنیا کا دوسرا سب سے بڑا ملک ہے، یہ براعظم شمالی امریکا کے بڑے حصے پر محیط ہے، بحر اوقیانوس سے لے کر بحر منجمد شمالی تک پھیلا ہوا ہے، کینیڈا کی زمینی سرحدیں امریکا کے ساتھ جنوب اور شمال مغرب کی طرف سے ملتی ہیں۔