سب سے زیادہ بزنس کرنے والی کامیاب 10 پاکستانی فلمیں

ایک طویل مدت بعد ایسی پاکستانی فلمیں پاکستانی سینماؤں کی زینت بن رہی ہیں جنہیں لوگوں کی ایک بڑی تعداد پسند کر رہی ہے- اور یہ پاکستانی فلمیں صرف پاکستان میں ہی نہیں بلکہ دنیا کے کئی ممالک کے سینما میں دکھائی جارہی ہیں- یہی وجہ ہے کہ ان کامیاب پاکستانی فلموں نے کروڑوں روپے کمائے ہیں- مندرجہ ذیل میں 10 ایسی پاکستانی فلموں کا ذکر ہے جنہوں نے سب سے زیادہ بزنس کیا-

جوانی پھر نہیں آنی 2
یہ فلم سال 2018 میں ریلیز کی گئی اور باکس آفس پر دیکھتے ہی دیکھتے سب سے کامیاب فلم بن گئی- اردو زبان میں بنائی جانے والی یہ فلم سال 2015 میں ریلیز ہونے والی جوانی پھر نہیں آنی کا سیکوئیل تھا- اس سیکوئیل نے دنیا بھر میں 70 کروڑ روپے سے زائد کا بزنس کیا- یہ پاکستان کی ایک کامیڈی اور رومانٹک فلم تھی جسے بے انتہا پسند کیا گیا- اس فلم میں پاکستان کے کئی نامور فنکاروں نے کام کیا-

پنجاب نہیں جاؤں گی
یہ دنیا بھر کے باکس آفس پر دوسری پاکستانی کامیاب ترین فلم رہی- اس فلم نے 51 کروڑ روپے سے زائد کا بزنس کیا- یہ فلم اردو اور پنجابی یعنی دونوں زبانوں پر مشتمل تھی- یہ بھی ایک پاکستانی رومانٹک اور کامیڈی مووی تھی جسے لوگوں کی ایک بڑی تعداد نے پسند کیا- یہ فلم سال 2017 میں ریلیز کی گئی اور اس میں مرکزی کردار ہمایوں سعید، مہوش حیات اور عروہ حسین نے ادا کیا-

طیفا ان ٹربل
سب سے زیادہ بزنس کرنے والی فلموں میں تیسرے نمبر پر احسن رحیم کی ڈائریکٹ کردہ فلم طیفا ان ٹربل ہے- یہ فلم سال 2018 میں ریلیز کی گئی تھی اور دیکھتے ہی دیکھتے لوگوں کی توجہ کا مرکز بن گئی- اس فلم نے 50 کروڑ روپے سے زائد کا بزنس کیا- یہ فلم دو زبانوں پنجابی اور اردو پر مشتمل تھی- یہ رومانس، ایکشن اور کامیڈی سے بھرپور فلم تھی- اس فلم میں مرکزی کردار علی ظفر کا تھا-

جوانی پھر نہیں آنی
یہ وہی فلم ہے جس کا بعد میں سیکوئیل بھی تیار کیا گیا اور باکس آفس پر سب سے کامیاب بھی قرار پایا- جوانی پھر نہیں آنی کا پہلا حصہ سال 2015 میں ریلیز کیا گیا تھا اور یہ بھی بڑی حد تک کامیاب رہا- اس فلم نے 49 کروڑ روپے سے زائد کا بزنس کیا- یہ ایڈونچر اور کامیڈی سے بھرپور فلم تھی اور اس کامیابی کو دیکھتے ہوئے ہی اس کا سیکوئیل بنایا گیا تھا- اس فلم کے نمایاں اداکاروں ہمایوں سعید، واسع چوہدری، علی بٹ اور حمزہ علی عباسی شامل تھے-

پرواز ہے جنون
حسیب حسن کی ڈائریکٹ کردہ یہ فلم سال 2018 میں ریلیز ہوئی- اس فلم نے باکس آفس پر 43 کروڑ روپے سے زائد کا بزنس کیا- یہ فلم جنگ اور رومانس سے بھرپور فلم ہے اور بہت زیادہ پسند بھی کی گئی ہے- یہ فلم اردو زبان میں تیار کی گئی ہے- اس فلم میں مرکزی کردار حمزہ علی عباسی، ہانیہ عامر اور احد رضا میر نے ادا کیے-

وار
یہ وہ کامیاب پاکستانی فلم تھی جس نے باکس آفس پر بےانتہا دھوم مچائی- بلال لاشاری کی ڈائریکٹ کردہ یہ فلم اردو اور انگریزی زبان پر مشتمل تھی- سال 2013 میں بننے والی اس فلم کو لکھنے اور اور پروڈیوس کرنے کا سہرا حسن رانا کے سر ہے- اس فلم نے تقریباً 35 کروڑ روپے کا بزنس کیا- اس فلم کی کاسٹ میں شان شاہد، میشا شفیع، علی عظمت اور شمعون عباسی سمیت کئی اور معروف اداکار شامل تھے-

رانگ نمبر
سال 2015 میں ریلیز ہونے والی کامیاب پاکستانی فلم یاسر نواز نے ڈائریکٹ کی تھی- یہ ایک رومانس اور کامیڈی سے بھرپور فلم تھی- اس فلم میں مرکزی کردار جاوید شیخ، دانش تیمور، ندیم جعفری، دانش نواز شفقت چیمہ اور سوہا علی ابڑو نے ادا کیا- یہ فلم بھی عوام کے دل جیتنے میں کامیاب رہی- اس فلم نے 30 کروڑ روپے سے زائد کا بزنس کیا-

ایکٹر اِن لا
سال 2016 میں ریلیز ہونے والی یہ کامیڈی فلم نبیل قریشی نے ڈائریکٹ کی- اس فلم میں مرکزی کردار فہد مصطفیٰ اور مہوش حیات نے ادا کیا- یہ فلم اردو زبان میں بنائی گئی- اس پاکستانی فلم میں ہندوستانی اداکار اوم پوری نے بھی اپنی اداکاری کے جوہر دکھائے اور یہ ان کی پہلی پاکستانی فلم تھی- 6 جنوری 2017 میں اوم پوری ہارٹ اٹیک کے باعث جہانِ فانی سے کوچ کر گئے- اس فلم نے 30 کروڑ روپے کمائے-

جاناں
جاناں ایک اردو اور پشتو زبان پر مبنی ایک پاکستانی فلم تھی جو کہ سال 2016 میں ریلیز کی گئی- اس فلم کو بھی بڑے پیمانے پر پسند کیا گیا- اس فلم کو اظفر جعفری نے ڈائریکٹ کیا تھا- یہ ایک رومانس اور کامیڈی سے بھرپور فلم تھی جس نے 30 کروڑ روپے کا بزنس کیا-