|
یہ حقیقت ہے کہ ہر شخص کی موت ایک دن ضرور واقع ہوگی اور
یہ بھی حقیقیت ہے کہ وہ اپنی آن لائن شناخت ساتھ قبر میں نہیں لے جاسکے گا-
ایسی صورت میں مرنے والے کا سوشل میڈیا اکاؤنٹ ڈیٹا چوری یا ہیک بھی ہوسکتا
ہے-
|
|
|
فیس بک اس حوالے سے اپنے صارفین کو متعدد اختیارات فراہم کرتی ہے کہ صارف
اپنے انتقال کی صورت میں اپنے فیس بک کے اکاؤنٹ کے ساتھ کیا کرنا چاہتا ہے؟
ایک چیز تو یہ ہے کہ آپ اپنے کسی ایسے دوست کا انتخاب کریں جو آپ کی موت کے
بعد آپ کے اکاؤنٹ کو سنبھالے- اور دوسرا آپشن یہ ہے کہ آپ ایسے سیٹ کردیں
کہ آپ کی وفات کی صورت میں فیس بک خود آپ کا اکاؤنٹ ڈیلیٹ کردے-
اگرچہ فیس بک اس وقت ہمارے بارے میں بہت کچھ جانتا ہے لیکن پھر بھی وہ یہ
نہیں جانتا کہ ہماری موت کب ہوگی-
اپنا اکاؤنٹ حذف کرنے کے لیے آپ کو کسی ایسے دوست کی ضرورت ہوگی جو آپ کی
موت کو ثابت کرے- آپ کا یہ دوست آپ کی موت کی صورت میں فیس بک سے رابطہ کر
کے آپ ڈیتھ سرٹیفیکیٹ کی مدد سے آپ کا ڈیلیٹ کروا سکے گا-
اپنی موت کی صورت میں اکاؤنٹ حذف کرنے کے حوالے سے آپ فیس بک سیٹنگ میں
موجود Memorialization settings نامی آپشن کے ذریعے فیس بک کو آگاہ کرسکتے
ہیں-
|
|
|
|
فیس بک کو آگاہ کرنے کے بعد اگر دوبارہ آپ چاہتے ہیں کہ آپ کے مرنے کے بعد
بھی آپ کا اکاؤنٹ دیکھا جاسکے تو اس کا آپشن بھی انہیں سیٹنگ میں موجود ہے-
فیس بک آپ کو اپنا اکاؤنٹ ایک یادگاری صفحے میں تبدیل کرنے کا اختیار بھی
آپ کو دیتا ہے- فیس بک آپ کے انتقال کے بعد آپ کے تمام ڈیٹا کو محفوظ کر کے
اکاؤنٹ کو ڈیجیٹل مقبرے میں تبدیل کردے گا-
اس کے لیے سیٹنگ میں آپ ایک دوست کا انتخاب کریں گے جسے آپ کا اکاؤنٹ مکمل
طور پر اپ ڈیٹ یا استعمال کرنے کا اختیار حاصل ہوگا- تاہم یہ آپ کی گزشتہ
پوسٹ یا پیغامات کو دیکھ یا کنٹرول نہیں کرسکے گا-
|
|
|
|
یوں یہ دوست آپ کی آن لائن شناخت کو آپ کے مرنے کے بعد بعد زندہ رکھ سکے گا-
|