ڈرامہ “ میرے پاس تم ہو “ میں عائزہ خان کے خوبصورت لباس

ڈرامہ میرے پاس تم ہو کو اس دہائی کا بہترین اور مشہور ترین ڈرامہ قرار دیا جائے تو غلط نہ ہوگا محدود کردار ہونے کے سبب اس ڈرامے کا ہر کردار بہت نکھر کر سامنے آيا ہے اور ہر قسط میں لوگ ان اداکاروں کی اداکاری کے ساتھ ان کے لباس ،انداز یہاں تک کہ حیولری کو بھی بہت غور سے دیکھ رہے ہیں-

عائزہ خان جو اس ڈرامے میں مہوش کے کردار میں نظر آرہی ہیں ان کے کردار کو شروع میں اس کی خوبصورتی کے سبب بہت پیار کی نظر سے دیکھا گیا مگر جیسے جیسے کہانی آگے بڑھی تو اس کردار سے لوگوں کی نفرت بھی کھل کر نظر آئی مگر اس کے باوجود اس بات کو تسلیم کرنا پڑے گا کہ عائزہ خان نے اس ڈرامے میں اپنے لباس بہت توجہ دی ہے اور وہ ہمیشہ سے زیادہ خوبصورت نظر آئی ہیں-

آج ہم آپ کو عائزہ خان کے ایسے ہی کچھ خوبصورت لباس کے بارے میں بتائيں گے جنہوں نے عائزہ خان کی خوبصورتی کو مزيد نکھار دیا -

سفید رنگ کا سنہری کام والا لباس
عائزہ خان نے اس ڈرامے میں اپنے کردار پر بہت محنت کی ہے اور اسی وجہ سے انہوں نے ایسے لباس کا انتخاب کیا جو کہ ایک مشرقی عورت کا پہناوا ہے خوبصورت شلوار قمیض جن پر ہلکا کام کیا گیا ہے اور خوبصورت رنگوں نے ان کو مزید خوبصورت بنا دیا ہے -

سفید رنگ کی قمیض اور بازوں پر سنہری کام اس جوڑے کو نہ صرف باوقار بنا رہے ہیں بلکہ اس کی خوبصورتی اور مشرقیت میں اضافے کا سبب بھی بن رہے ہیں اس کے ساتھ بڑا دوپٹہ اور مکمل بازوں والا یہ لباس عائزہ خان کی خوبصورتی اور اسٹائل میں چار چاند لگا رہے ہیں-

روائتی سرخ لباس
سرخ رنگ عام طور پر شادی بیاہ کے حوالے سے پہنا جاتا ہے اور عائزہ نے بھی بر محل اس رنگ کا استعمال کیا ہے سرخ رنگ کے اس جوڑے کے بازوں اور دامن پر سلور دھاگے کا کام اور اس کے نیٹ کے بازو اس لباس میں عائزہ خان کی دلکشی کو مزید بڑھا رہے ہیں-

سادہ سے اس لباس کی خاصیت یہ تھی کہ ایک تو یہ بہت مہنگا نہیں تھا دوسرا بہت بھاری نہیں تھا جس سے اس لباس کی خوبصورتی میں مزید اضآفہ ہو گیا ہے-

سی گرین سیلف پرنٹ لباس
اس ڈرامے کی خاص بات یہ ہے کہ اس میں عائزہ خان نے اپنے لباس کے لیے ایسے دلکش رنگوں کا استعمال کیا ہے جنہوں نے ان کی خوبصورتی کو مزيد نکھارا ہے - خوبصورت سی گرین سیلف پرنٹ یہ لباس جس کے گلے اور بازوں پر ریشم کے دھاگے کی ہلکی ایمبرائڈری موجود ہے اس کے سیلف پرنٹ کو مزید ابھار رہی ہے اس پر چوڑی دار پاجامہ اور پھیلا ہو دوپٹہ اس لباس کے وقار میں اضافے کا سبب بن رہے ہیں-

شیفون کی کالی ساڑھی
ساڑھی کا شمار خوبصورت مشرقی لباس میں کیا جاتا ہے جو پہننے والے کی خوبصورتی میں مزيد اضافہ کر دیتا ہے اور اگر ساڑھی سیاہ رنگ میں ہو تو دیکھنے والا بے ساختہ تعریف کرنے پر مجبور ہو جاتا ہے-

کالا رنگ جو خوبصورتی کو مزيد بڑھا دیتا ہے عائزہ خان کی دلکشی کو بھی مزید بڑھاوا دے رہا ہے سیاہ شیفون کی ساڑھی جس کے بارڈر پر موتیوں کا کام ہے اور نیٹ کے بلاؤز کے ساتھ اس کو پہننے کے انداز نے دیکھنے والوں کو عائزہ کی خوبصورتی کا گرویدہ بنا دیا ہے-

پرپل کرتا
جب عائزہ خان نے اس ڈرامے میں دفتر میں کام کرنا شروع کیا تو انہوں نے خاص طور پر ایسے لباس کا انتخاب کیا جو عام طور پر ورکنگ لیڈيز پہنتی ہیں سادہ اور پروقار لباس کے لیے کرتے سے بڑھ کر کچھ نہیں ہو سکتا ہے-

دفتر میں کام کرنے والی خواتین کے لیے یہ کرتا ایک بہترین انتخاب ہو سکتا ہے سادہ نظر آنے والے اس لباس کے بازوں اور بارڈر پر کام سے اس لباس کی سادگی کے ساتھ دلکشی میں مزید اضافہ ہو گیا ہے-

 نیلا پرنٹڈ سوٹ
نیلے شیڈز کا بہترین استعمال عائزہ نے اس ڈرامے میں کیا ہے بڑے سے مشرقی دوپٹے کے ساتھ یہ پرنٹڈ سوٹ عام گھریلو خواتین کی بہترین ترین چوائس ثابت ہو سکتا ہے-