عہد وفا میں احد رضا میر کی زندگی کا کرش آج کل کسی اور
کی زندگی کا حصہ بن چکا ہے۔۔۔علیزے شاہ جو ڈرامہ عہد وفا میں دعا کا کردار
ادا کر رہی ہیں۔۔۔ان کی زندگی سے جڑی ہر خبر کو آج کل سوشل میڈیا کی سرخیوں
میں شامل کیا جاتا ہے۔۔۔اسکرین کی خوبصورت ترین اداکاراؤں میں ان کا شمار
بھی کیا جا رہا ہے اور یہ کچھ غلط بھی نہیں۔۔۔اٹھارہ سال کی یہ کم عمر لڑکی
ابھی ایک سال پہلے ہی تو میڈیا میں آئی لیکن اس وقت اپنی مقبولیت کے گراف
میں سب سے اوپر جا رہی ہے۔۔۔
|
|
پچھلے دنوں انکے انسٹا کے کئی پوسٹس نے عوام کی توجہ اپنی جانب کرلی۔۔ویسے
تو علیزے ابھی زندگی کے بڑے فیصلوں سے کافی کم عمر ہیں لیکن لگتا ہے کہ
انہوں نے اپنی آنے والی زندگی کی کچھ منزلوں کا تعین کرلیا ہے۔۔۔علیزے کی
انسٹا پر فولورز کی تعداد میں بھی اضافہ ہوچکا ہے اور اب وہ 1.4 ملین پر
پہنچ چکے ہیں۔۔علیزے نے کچھ دن پہلے اپنی ایک تصویر لگائی آئینے کے سامنے
کچھ سوچتے ہوئے جس میں تصویر کھینچنے والے کا نام نعمان سمیع تھا۔۔۔اور
ساتھ ہی یہ لکھا کہ ’’کبھی کبھار یہ صرف چاند نہیں ہوتا بلکہ وہ شخص بھی
ہوتا ہے جو کسی روشنی سے کم نہیں ‘‘-
پھر ایک پوسٹ پر لکھا اپنی تصویر کے ساتھ ’ جو کبھی نا کیا تھا، جو کبھی نا
ہوا ہے۔۔۔وہ سبھی ہو رہا ہے ان دنوں۔۔۔‘‘ ۔۔۔مزے کی بات یہ ہے کہ ان کی
زیادہ تر تصاویر کو کھینچنے کا سہرا نعمان سمیع کے سر ہی جاتا ہے۔۔۔
|
|
حال ہی میں جب انہیں ساتویں ہم ایوارڈ سے نوازا گیا تو انہوں نے ایوارڈ کی
ایک تصویر کے ساتھ مومنہ درید اور دیگر کا شکریہ کرتے ہوئے نعمان سمیع کا
نام بھی لیا اور کہا کہ میرے ہر مشکل وقت میں ساتھ دینے کا شکریہ۔۔۔
یہ قصہ دوستی کی حد تک ہی رک جاتا لیکن تازہ ترین تصویر نے سب کے شک کو
یقین میں بدل دیا جب علیزے نے نعمان سمیع کے ساتھ ایک تصویر لگائی اور لکھا
کہ ’’ کیا تم چاند کی چاندنی تلے میرے ساتھ رہو گے؟ ‘‘ اور اس کے جواب میں
نعمان سمیع نے لکھا کہ ’’ہاں تمام قسم کی روشنیوں اور اندھیروں میں انشاء
اﷲ ۔۔۔اور تم کیسے ہمیشہ اتنی بہترین لگتی ہو ماشاء اﷲ۔۔۔
|
|
نعمان سمیع ہر موقع پر علیزے شاہ کے ساتھ ہی نظر آتے ہیں پھر چاہے وہ کوئی
شوٹنگ ہو یا ان کی فلم کا پریمیئر۔۔۔لیکن ابھی تک اس جوڑی نے صرف اشاروں
میں ہی اپنی دوستی بھرے اس رشتے کو دنیا کے سامنے ظاہر کیا ہے۔۔۔دیکھنا یہ
ہے کہ کیا یہ دونوں عہد وفا نبھا پاتے ہیں ؟
|