مارننگ شو میں ہر وقت نظر آنے والے مہمان۔۔۔ اور ان کا معاوضہ

قدر کھو دیتا ہے ہر روز کا آنا جانا۔۔۔لیکن مارننگ شو میں کچھ مہمان نا صرف روز آتے تھے بلکہ ان کے بغیر کوئی بھی کونٹینٹ ادھورا ہی رہتا تھا۔۔۔کیونکہ یہی وہ چہرے تھے جو ہر طرح کا کونٹینٹ کرنے کے لئے باآسانی تیار بھی ہوجاتے تھے۔۔۔۔ہماری انڈسٹری کے ایسے بہت سارے چہرے ہیں جنہیں ڈرامہ یا کمرشل میں کم دیکھا اور مارننگ شو میں روز دیکھا۔۔۔ان کا تعارف ہی مارننگ شو بن چکا تھا اور یہاں سے انہوں نے اچھے خاصے پیسے بھی بنائے۔۔۔

امبر خان
انڈس ٹی وی سے اپنے ایک معروف شو کے بعد امبر خان نے صرف مارننگ شوز میں مہمان بن کر اپنی پہچان کو قائم رکھا۔۔۔اس دوران انہیں تھوڑے بہت ڈرامے بھی ملے اور یہ وجہ تھی ان کا روزانہ نظر آنے والا چہرہ۔۔۔امبر خان ایک شو میں مہمان بننے کے چالیس سے پچاس ہزار وصول کر لیتی ہیں ۔۔۔

بنیتا ڈیوڈ
بنیتا ایک زمانے میں عالیہ ٹیپو اور دیگر برانڈز کے لئے فیشن شوٹ کرتی تھیں۔۔۔اس دوران ان کا وزن بھی تھوڑا بڑھ گیا تھا اور پھر بنیتا نے اپنا وزن بھی کم کیا اور روزانہ مارننگ شوز میں نظر آنے لگیں۔۔۔انہوں نے ڈراموں میں بھی کام کیا لیکن جو پہچان ان کی مہمان کے طور پر بنی اس کا کوئی مقابلہ نہیں۔۔۔وہ آغاز میں دس ہزار لیتی تھیں ایک شو میں آنے کا لیکن اب تیس سے چالیس ہزار لیتی ہیں۔۔

تحریم زبیری
تحریم زبیری مارننگ شو میں ناچ گانے کا حصہ تو نہیں بنتی تھیں لیکن مہمان وہ ہر طرح کے شو میں ضرور بن سکتی تھیں۔۔۔ان کی موجودگی سے میزبان کو یہ سہارا رہتا تھا کہ اگر میزبانی میں کوئی جھول بھی ہوا تو تحریم سنبھال لیں گی۔۔۔ساحر لودھی کے تو تقریباً ہر شو میں انہیں دیکھا جاسکتا ہے۔۔۔وہ ساتھ ساتھ بیوٹی پارلر بھی چلاتی ہیں اور اکثر اس کی پروموشن کا سلسلہ بھی جاری رہتا ہے-

نازیہ ملک
یہ نام ہر طرح کے کونٹینٹ میں فٹ ہوسکتا ہے۔۔۔اگر شو میک اپ کا ہے تو بیوٹیشن کے روپ میں، اگر شو کپڑوں کا ہے تو ڈیزائنر کے روپ میں، اگر شو حکیمی دواؤں پر ہے تو ہربلسٹ کے روپ میں ۔۔۔نازیہ ملک نے کچھ عرصہ اپنے مارننگ شو کی میزبانی بھی کی اور اس سے پہلے بھی وہ کافی میگزین شوز کی میزبانی کر چکی ہیں لیکن مارننگ شو میں ان کی آمد کا سلسلہ تقریبا روز کا ہی ہے۔۔۔

مشی خان
یوں تو مشی خان اپنا شو بھی کرتی ہیں ایک چینل پر لیکن عروسہ کے بعد ان کے کام کا سلسلہ جیسے تھم ہی گیا۔۔۔انہیں زیادہ تر مارننگ شوز کی اسکرین پر ہی دیکھا گیا۔۔۔خاص طور ہر اگر شو ہو کسی شادی ویک کا ۔۔۔ان کو پورے پورے ہفتے کے لئے اسلام آباد سے کراچی بلوایا جاتا ہے اور ساتھ ہی ان سے باقاعدہ پرفارمنس بھی کروائی جاتی ہے۔۔۔ان کی مزیدار شخصیت اور سیٹ پر لگائے جانے والے ہلے گلے کی وجہ سے مارننگ شو میں ان کی اہمیت کافی زیادہ ہے۔۔۔وہ ایک شو میں مہمان کی حیثیت سے آنے کے لئے تیس سے چالیس ہزار معاوضہ لیتی ہیں۔۔۔

جویریہ سعود اور سعود
یہ دو نام بھی ہر مارننگ شو کے لئے آرام سے مان بھی جاتے ہیں اور عموماً جوڑی کی صورت میں بلائے جاتے ہیں۔۔۔یہ حقیقت ہے کہ ان کی آمد شو میں چار چاند لگا دیتی ہے اور ساتھ ہی آپ انہیں ہر موضوع پر شامل گفتگو کر سکتے ہیں۔۔۔دونوں میاں بیوی شادی ویک سے لے کر انتاکشری، ڈرامہ، فلم اور ہر طرح کے شو میں فٹ ہوجاتے ہیں۔۔۔دونوں مل کر ساٹھ سے اسی ہزار لیتے ہیں ایک شو کا حصہ بننے کے لئے-