میرے پاس تم ہو کے متین صاحب کی بیٹی۔۔۔اپنے اصلی زندگی کے ابو کی دیوانی

یوں تو بیٹیوں کو ویسے بھی اپنے باپ سے کچھ زیادہ ہی محبت ہوتی ہے لیکن حرا مانی نے پچھلے دنوں اپنے ابو کی سالگرہ کے موقع پر جب تصاویر لگائیں اور ان سے اپنی محبت کا اظہار کیا تو اندازہ ہوا کہ ڈرامہ’’ میرے پاس تم ہو‘‘ میں دکھائی جانے والی متین صاحب کی بیٹی اصلی زندگی میں بھی اپنے ابا کی دیوانی ہیں۔۔۔

حرا مانی انڈسٹری میں اپنے پہلے بیٹے کی بھی پیدائش کے بعد آئیں۔۔۔کیونکہ انہیں شادی سے پہلے ہی کچھ بننے کا شوق تو تھا لیکن ان کی ہمت کبھی نہیں ہوئی تھی اس فیلڈ میں قدم رکھنے کی۔۔۔شادی سے پہلے بھی حرا گھر بھر کی لاڈلی تھیں کیونکہ وہ ایک ہی بیٹی تھیں اور باقی بھائی تھے۔۔۔ابو کے لئے تو حرا جیسے ایک خزانہ تھیں اور وہ انہیں سنبھال کر رکھتے تھے۔۔۔مانی سے محبت کی شادی کے لئے حرا کو اپنی منگنی بھی ختم کرنی پڑی اور یہ سب کرنا اتنا آسان نہیں تھا۔۔۔لیکن ابو بہت وقت تک حرا سے خفا بھی نا رہ سکے۔۔۔
 

ابو کی دیوانی حرا مانی نے ایک پوسٹ سالگرہ سے ایک رات پہلے لگائی جس میں انہوں نے اپنے ابا کی تصاویر اپنے بیٹوں کے ساتھ پوسٹ کیں۔۔۔نانا اور نواسے ایک دوسرے کے ساتھ مستی بھرے پوز بنا رہے تھے اور حرانے ان تصاویر کے ساتھ ایک پوسٹ بھی لکھا تھا ۔۔

جس میں انہوں نے اپنے ابو کو مخاطب کر کے لکھا کہ بہت بہت مبارک ہو ابو آپ کو۔۔۔اﷲ آپ کو صحت دے اور آپ کا سایہ ہمیشہ ہم سب کے سروں پر سلامت رکھے آمین۔۔۔ہیپی برتھ ڈے ابو میرے سن شائن، میرے گھر کی میرے دل کی رونق، میری آنکھوں کا سکون۔۔۔آج کے دن جن جن کے ابو کی سالگرہ ہیں ان سب کو میری طرف سے ہیپی برتھ ڈے۔۔۔
 

ان کے اس پوسٹ کے نیچے کئی شوبز ستاروں نے محبت کا اور پسندیدگی کا اظہار کیا جن میں صنم جنگ، زینب قیوم، واسعہ فاطمہ، حبا علی خان کرن تعبیر، اور دیگر شامل ہیں۔۔۔جبکہ حبا علی خان نے لکھا کہ ہیبی برتھ ڈے انکل۔۔۔میں آپ سے کبھی ملی تو نہیں لیکن مجھے ایسا لگتا ہے کہ آپ دنیا کے سب سے بہترین ابو ہیں ۔۔۔اﷲ آپ کو اور آپ کے بچوں کو خوش رکھے۔ آمین

اس کے بعد حرا نے ایک پرانی تصویر اور پوسٹ دوبارہ شئیر کی اپنے ابو کے ساتھ جس میں وہ اور ان کے والد ایک دوسرے سے محبت کا اظہار کر رہے ہیں۔۔۔اور حرا نے انہیں تقریباً انہی الفاظ میں سالگرہ کی مبارکباد دی۔۔۔